2 KURINTUS 5:18 - PEJANJIAN EMPAI CERITAU ILUAK

¹⁸ Gegalaunyautu dikerjauka Allah. Mangku karnau Keristus Allah mbuat kitau seilu'an ngan Diau ngan ngenju'i kitau kerjau ngiciakka ceritau damaitu, supayau jemau lain pulau seilu'an ngan Diau.

2 KURINTUS 5:18 ပူးပေါင်းရင်းမြစ်များ

LUKAS 10:5

Amun masuak ghuma, kiciakka kudai, ‘Salam damai batan endak ghuma ini.’

LUKAS 24:47

Ngan pulau, ‘Atas namau Rajau Penyelamat itu arus dikiciakka ngan gegalau bangsau, bansau manusiau mesti ngubai jak di dusaunyau, mangku Allah endak ngabiska dusaunyau.’ Ceritau itu dikiciakka mulai jak di Yerusalim.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 3:27

Yuhanis nimbal, kataunyau, “Sughang kia nidau pacak ngambiak tuapau-apau, amun nidau dienju'i Allah.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RUM 11:36

Gegalaunyau dijadika Allah, asalau jak di Allah, batan endak Allah. Allah diagungka selelamaunyau Amin.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 11:12

Karnau empuak jemau tinau asalau jak di jemau lanang, mangku jemau lanang adau karnau jemau tinau, gegalaunyau jak di Allah.

1 KURINTUS 12:6

Mangku adau bemecam-mecam carau ngerjauka kerjautu. Anyautu diau ngenjuakka kuasau ngan bilang jemau batan endak gegalaunyautu, itu Allah diau gi sughang itula.

1 KURINTUS 3:5

Sebenaghau sapau Apulus, sapau Paulus? Kamini cuman pekerjau Allah diau mbimbing kamu percayau ngan Keristus. Kami cuman ngerjauka tugas diau diajungka Allah ngan kami sesughangan.

1 KURINTUS 8:6

Anyautu amun kitau, Allah gi sughang, Diautu Bapak diau njadika gegalaunyau. Batan endak Diaula kitau idup. Mangku Tuhan gi sughang pulau, Diautu Yesus Keristus. Karnau Diau gegalaunyautu dijadika mangku karnau Diau pulau kitau idup.

KULUSI 1:22

Mbak kini kamu la seilu'an ngan Diau karnau Ana'Au mati. Ngan carau itu kamu pacak dibatak ngadap Allah ngan ati beresia, nidau bediau sala ngan nidau becelakau.

IBRANI 2:17

Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

YAKUBUS 1:17

Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.