2 KURINTUS 5:17 - PEJANJIAN EMPAI CERITAU ILUAK

¹⁷ Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

2 KURINTUS 5:17 ပူးပေါင်းရင်းမြစ်များ

MATIUS 12:33

“Batang diau kamu katauka iluak ngasilka bua diau iluak. Batang diau kamu katauka nidau iluak ngasilka bua diau nidau iluak. Bilang batang dikeruani jak di buahau.

MATIUS 24:35

Langit ngan deniau ka lengit, tapitu kici'anKu nidau ka lengit, ka tetap selelamaunyau.”

LUKAS 5:38

Ayiak anggur diau empai mesti dimasuakka ke dalam kantung diau empai pulau.

YUHANIS 14:20

Aghitu pulau kamu ka ngeruani, bansau Aku dalam BapakKu ngan kamu dalam Aku, Aku pulau dalam kamu.

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

YUHANIS 15:5

Akunila batang anggur, kamunila cangka-cangkahau. Jemau diau mendam di Aku ngan Aku di diau, jemautu ka banyak buahau. Amun Aku nidau nulung, kamu nidau pacak mbuat tuapau-apau.

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

YUHANIS 3:5

Yesus nimbal, katauNyau, “KatauKu ini benagh: Amun jemau nidau dilahirka jak di ayiak ngan Rua Allah, diau nidau pacak njadi angguta umat Allah.

RUM 16:10

Pesanku ngan Apelis diau la diuji karnau Keristus. Pesan pulau ngan kapu Aristubulus.

RUM 16:11

Pesanku ngan Herudiun diau sebangsau ngan aku. Pesanku pulau ngan kapu Narkisus diau la percayau.

RUM 16:3

Sampaika pesanku ngan Periska ngan Akwila, kantin sekerjauku batan endak Keristus.

RUM 16:7

Sampaikala pulau pesanku ngan Anderunikus ngan Yunias. Ughang duautu sebangsau ngan aku ngan pulau tejil serempak ngan aku. Ughang duautu la percayau antak ka aku percayau ngan tekenal jak di rasul.

RUM 16:9

Pesanku ngan Urbanus, kantin sekerjau kitau batan endak Keristus ngan pulau Setakis diau kusayangi.

RUM 7:6

Mbak kini kitau la dilepaska jak di ukum Taurat. Mbak kini kitau la mati tuadap ukum diau senitu nguasaui kitau. Mangku kitau nidau agi nuruti carau lamau, ukum diau ditulis. Mbak kini kitau idup nurut carau diau empai diau ditunjuakka Rua Allah.

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 13:11

Timpau aku budak keciak, aku ngiciak luak budak keciak, peghasauan luak budak keciak, berupuak luak budak keciak. Mbak kini aku la wagat, mangku aku ninggalka perembak luak budak keciaktu.

2 KURINTUS 12:2

Aku keruan sughang jemau Keristen. Empat belas taun diau la udim jemautu diangkat ke tingkat diau ketigau di sergau. Apu badan nian tuangkat, apu pengina'an ajau, aku nidau keruan. Cuman Allah ajau diau keruan.

2 KURINTUS 5:16

Karnau itu kami nidau agi ngeruani jemau nurut rupu'an manusiau. Nyela, senitu kami ngeruani Keristus nurut rupu'an manusiau, tapitu mbak kini nidau agi.

2 KURINTUS 5:19

Kami ngiciakka, bansau Allah mbuat manusiau seilu'an ngan Diau karnau Keristus. Allah ngerjauka titu nidau nuntut dusau jemau. Mangku kami la ditugaska ngiciakka ceritau damaitu.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 2:15

Mangku ukum Taurat ngan gegalau perintahau diabiska Keristus, mangku duau bangsau itu njadi manusiau empai karnau seghundak ngan Keristus. Ngan carau luak itu Diau ndamaika ughangtu.

PILIPI 4:21

Sampaika pesanku ngan gegalau umat Allah diau percayau ngan Yesus Keristus. Terimaula pulau pesan jak di kantin-kantin kitau diau seghundak ngan aku.