2 KURINTUS 5:15 - PEJANJIAN EMPAI CERITAU ILUAK

¹⁵ Keristus la mati batan endak gegalau jemau, mangku jemau diau idup nidau agi idup batan endak diriau, tapitu batan endak Keristus diau la mati ngan la diidupka agi batan endak ughangtu.

2 KURINTUS 5:15 ပူးပေါင်းရင်းမြစ်များ

LUKAS 1:74

endak nyelamatka kitau jak di musua kitau, mangku kitau nidau takut nyemba Diau,

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 6:57

Bapak diau ngenjuakka iduptu ngajung Aku, mangku Aku pulau idup karnau Bapak. Luak itu pulau jemau diau makan dagingKu ka idup karnau Aku.

RUM 12:1

Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

RUM 4:25

Yesustu diseraka ngan dibunua karnau dusau kitau, mangku Diau diidupka agi, supayau kitau pacak ngulang seilu'an ngan Allah.

RUM 6:2

Nidau ka adau! Dusau nidau agi nguasaui kitau. Mangku manau pacak kitau maju ngerjauka dusau?

RUM 6:6

Kitau keruan, bansau carau idup kitau diau lamau la mati serempak ngan Keristus di kayu salip, supayau serilau kitau diau melawan Allah nidau bekuasau agi, mangku kitau nidau agi dikuasaui dusau.

RUM 8:10

Amun Keristus adau dalam kamu, mangku Rua Allah ngenjuakka idup ngan kamu karnau la dibenaghka, empuak badan kamu ka mati karnau dusau.

RUM 8:2

karnau Rua Allah diau nguasaui kitau ngan ngenjuakka idup la melepaska kitau jak di kuasau dusau ngan maut.

RUM 8:6

Amun kitau idup nurut serilau manusiau, kitau mati. Amun kitau idup nurut Rua Allah, kitau idup damai ngan Allah.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

2 KURINTUS 12:10

Itula sebapau aku riang ngan sukau, amun aku litak. Aku riang, amun aku digelakka, amun adau pekarau ngan setu diau segau karnau Keristus. Karnau amun aku litak, masau itu aku kuat nian.

2 KURINTUS 3:6

Diautu pulau mbuat kami sanggup bekerjau batan endak Allah nurut janji empai. Janjitu tegantung ngan Rua Allah ukan ngan ukum diau tetulis. Karnau diau ditulistu mbatak mati, tapitu Rua Allah ngenjuakka idup.

2 KURINTUS 5:16

Karnau itu kami nidau agi ngeruani jemau nurut rupu'an manusiau. Nyela, senitu kami ngeruani Keristus nurut rupu'an manusiau, tapitu mbak kini nidau agi.

GALATIA 5:25

Rua Allah la ngenjuakka ngan kitau idup diau empai. Karnau itu idup kitau mesti pulau dibimbing Rua itu.

IPISUS 4:17

Karnau itu demi namau Tuhan aku mintak nian, supayau kamu jangan agi idup luak jemau diau nidau keruan Allah ngan maju merupuakka setu diau nidau begati.

IPISUS 5:14

Itula sebapau la dikiciakka luak ini, “Bangunla, ui kaba diau tiduak, idupla jak di mati, mangku Keristus ka nerangi kaba.”

KULUSI 2:12

Masau kamu dibaptis, kamu dikuburka seghundak ngan Keristus. Mangku masau itu pulau kamu diidupka agi seghundak ngan Diau, karnau percayau ngan kuasau Allah diau la ngidupka Keristus jak di mati.

KULUSI 3:1

Kamu la diidupka agi seghundak ngan Keristus. Karnau itu beusahala, mangku bulia setu diau adau di sergau, di bada Keristus duduak di sebela kanan Allah.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

KULUSI 3:23

Tuapau kila diau diajung ngan kamu kerjaukala ngan riang luak kamu bekerjau batan endak Tuhan, ukan batan endak manusiau.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 PITRUS 4:6

Itula sebapau ceritau iluaktu la dikiciakka pulau ngan jemau mati, mangku jemau diau la meghasauka mati, luak gegalau manusiau ka mati, bulia idup dalam rua semegi ngan Allah.

1 YUHANIS 4:9

Allah nyatauka ngan kitau, bansau Diau nyayangi kitau, karnau Diau ngajung Ana'Au diau gi sughang itula datang ke deniau, supayau kitau bulia idup karnau Ana'Autu.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.