2 KURINTUS 4:5 - PEJANJIAN EMPAI CERITAU ILUAK

⁵ Ceritau diau kami kiciakkatu ukan nceritauka kaminila. Ceritautu nceritauka Yesus Keristus, bansau Diautu Tuhan, mangku kamini njadi budak kamu karnau Keristus.

2 KURINTUS 4:5 ပူးပေါင်းရင်းမြစ်များ

MATIUS 23:8

Tapitu kamu jangan endak dipantau ‘pak guru’, karnau guru kamu cuman sughang, mangku gegalau kamu anak-buaHau.

MATIUS 3:11

Aku mbaptis kamu ngan ayiak, tandau la betubat. Nanti ka datang Jemau diau lebia bekuasau jak di aku. Melegha'i tali sepatuAu ajau aku endiak pantas. Diau ka mbaptis kamu ngan Rua Allah ngan api.

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RASUL 2:36

Mangku gegalau jemau Israil mesti keruan nian, Yesus diau kapu dighi salipkatu dijadika Allah Tuhan ngan Rajau Penyelamat.”

RASUL 5:31

Diautu la ditinggika Allah di sebela kananAu, dijadikaNyau Penguasau ngan Rajau Penyelamat, supayau jemau Israil pacak ngubai ngan dusaunyau diabiska.

1 KURINTUS 1:23

Kamini ngiciakka Keristus mati di kayu salip. Ceritau itu nyinggung jemau Yahudi, jemau ukan Yahudi nganggap itu bigal.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 12:3

Mangku kamu mesti keruan, bansau nidau bediau jemau diau dipimpin Rua Allah diau bekatau, “Meghakaula Yesus!” Luak itula pulau nidau bediau jemau diau ngaku'i, “Yesusla Tuhan!”, amun ukan dipimpin Rua Allah.

1 KURINTUS 15:47

Adam diau dulu sekali asalau jak di tana. Adam diau udim itu asalau jak di sergau.

1 KURINTUS 2:2

Karnau masau aku guak kamu, aku la mutuska nidau endak ngeruani tuapau-apau, lain jak di Yesus Keristus, lagi pulau Diautu mati di kayu salip.

1 KURINTUS 4:15

Empuak kamu beribu-ribu guru, bak kamu cuman sughang. Akunila bak kamu, karnau aku ngiciakka ceritau Keristus ngan kamu senitu, mangku kamu percayau.

1 KURINTUS 8:6

Anyautu amun kitau, Allah gi sughang, Diautu Bapak diau njadika gegalaunyau. Batan endak Diaula kitau idup. Mangku Tuhan gi sughang pulau, Diautu Yesus Keristus. Karnau Diau gegalaunyautu dijadika mangku karnau Diau pulau kitau idup.

2 KURINTUS 1:19

Karnau Yesus Keristus, Anak Allah, diau dikiciakka aku, Silas ngan Timutius ngan kamu ukan “au” ngan “nidau”. Di Diau cuman adau “au”.

2 KURINTUS 1:24

Kami nidau endak masau kamu ngan setu diau mesti kamu percayaui, karnau kamu la percayau nian ngan Keristus. Kami cuman endak sesamau bekerjau ngan kamu batan endak meriangka kamu.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

PILIPI 1:15

Adau diau ngiciakka Keristus karnau sengit ngan endak bebala. Adau pulau diau ngiciakkaNyau ngan tujuan diau iluak.

PILIPI 2:11

Mangku gegalau ughangtu ka ngaku'i, “Yesus Keristusla Tuhan!” Mangku Allah Bapak diagungka.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

TITUS 1:11

Jemau diau luak itu mesti ditukup mulutau, karnau ughangtu ngacauka banyak ghuma-tanggau ngan ngajaghka diau nidau-nidau endak bulia untung diau nidau pantas.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.