2 KURINTUS 4:15 - PEJANJIAN EMPAI CERITAU ILUAK

¹⁵ Gegalaunyautu batan endak kamu. Karnau tamba banyak jemau meghasauka keilu'an Allah, tamba banyak pulau du'a beterimau-kasia ngan Allah, mangku Allah diagungka.

2 KURINTUS 4:15 ပူးပေါင်းရင်းမြစ်များ

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

1 KURINTUS 9:19

Aku ukan budak jemau, aku bibas. Empuak luak itu, aku njadika diriku budak gegalau jemau, supayau aku pacak banyak menangka jemau batan endak Keristus.

2 KURINTUS 1:11

Kami percayau, bansau karnau du'a kamu batan endak kami, Allah ka nyelamatka kami agi jak di bayau. Allah ndengaghka du'a jemau banyak, mangku iluak ngan kami. Mangku banyak jemau ka beterimau-kasia ngan Diau.

2 KURINTUS 8:19

Ukan itu ajau. Diau pulau la dipilia ngantini kami ngerjauka kerjau iluak itu. Diautu nulung kami ngerjaukanyau, mangku Tuhan diregaui ngan diagungka, mangku tebukti kami sukau nulung jemau.

GALATIA 1:24

Mangku ughangtu muji Allah karnau aku.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 TIMUTIUS 1:14

Anyautu aku dienju'i Tuhan keilu'an banyak kematila, mangku aku pacak percayau ngan nyayangi Yesus Keristus, karnau seghundak ngan Diau.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.