2 KURINTUS 3:18 - PEJANJIAN EMPAI CERITAU ILUAK

¹⁸ Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 3:18 ပူးပေါင်းရင်းမြစ်များ

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 12:41

Yesaya la ngiciak luak itu, karnau la nginak kuasau Yesus, mangku dikiciakkanyau.

YUHANIS 17:22

Akuni la ngagungka ughangtu ngan carau luak Dighi la ngagungka Aku, mangku ughangtu njadi seghundak, luak Kitau pulau la seghundak.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

RUM 8:4

Allah ngerjauka titu, supayau kitau pacak ngerjauka kenda'Au diau nyatau dalam ukum Taurat, karnau kitau idup nurut Rua Allah ukan nurut serilau manusiau.

RUM 8:7

Amun ati jemau dikuasaui serilau manusiau, diau bemusuan ngan Allah, karnau diau nidau na'ati ukum Allah, nyela, diau nidau pacak ta'at ngan ukum Allah.

1 KURINTUS 13:12

Setu diau kitau kina'i mbak kini luak gambar di cemin diau kabugh. Nanti kitau ka nginak diau jelas. Mbak kini aku keruan lum sempernau. Nanti aku keruan diau sempernau, luak aku la dikeruani Allah.

1 KURINTUS 15:49

Mbak kini kitau semegi ngan Adam diau asalau jak di tana, luak itu nanti kitau ka semegi pulau ngan diau jak di sergau.

2 KURINTUS 3:17

Karnau Tuhan itu Rua, mangku jemau diau adau Rua Allahtu bibas.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

1 TIMUTIUS 1:11

Ajaghantu adau di ceritau iluak diau la dipercayauka ngan aku endak dikiciakka. Ceritautu asalau jak di Allah diau agung ngan pantas dipuji.

TITUS 3:5

Masau itu Diau nyelamatka kitau, ukan karnau kitau ngerjauka setu diau iluak, tapitu karnau Diau sayang ngan kitau. Diau nyelamatka kitau ngan carau mbasua kitau endak ngenjuakka idup diau empai. Titu dikerjauka Rua Allah

YAKUBUS 1:23

Amun jemau cuman ndengagh katau ajau ngan nidau ngerjaukanyau, diautu luak jemau diau ngina'i dayiau diau sebenaghau di cemin.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.