2 KURINTUS 2:7 - PEJANJIAN EMPAI CERITAU ILUAK

⁷ Mangku mbak kini kamu mesti ma'apka ngan neguaka diau, supayau diau jangan putus aghapan karnau kebingungan igau.

2 KURINTUS 2:7 ပူးပေါင်းရင်းမြစ်များ

1 KURINTUS 15:54

Mangku amun badan diau ka mati la digenti ngan badan diau nidau ka mati, badan jak di deniauni digenti ngan badan jak di sergau, mangku la ditepati setu diau ditulis dalam Injil, “Kematian la dilengitka, kemenangan la dapat.”

2 KURINTUS 2:8

Karnau itu aku mintak, supayau kamu sayang nian ngan diau.

2 KURINTUS 5:4

Semasau gi adau di anjung di deniauni, kitau nyempit karnau tanggungan diau beghat ini. Kitau endak mendam di ghuma di sergau ukan karnau endak bibas jak di badan kitau di deniauni, tapitu karnau kitau endak ngenauka badan diau jak di sergautu, mangku badan kitau diau pacak mati ini digenti ngan diau idup.

2 KURINTUS 7:10

Kemada'an diau jak di Allah ngasilka ati beghuba mangku selamat. Jemau nidau ka nyesali titu. Anyautu kemada'an jak di deniauni kemada'an diau mbenasauka.

IPISUS 4:32

Anyautu kamu mesti iluak, sial, sangi sayangi ngan sangi ma'apka luak Allah ngampuni kamu karnau Keristus.

PILIPI 2:27

Nyela, diau buidapan nian, mis mati. Anyautu Allah sial ngan diau, ukan cuman ngan diau ajau, tapitu ngan aku pulau, mangku aku jangan tamba bingung.

KULUSI 3:13

Kamu mesti ngaligh sughang ngan diau lain ngan sangi ma'apka, amun nidau tetuju ngan carau jemau. Tuhan la ngabiska dusau kamu, mangku kamu pulau mesti sangi ma'apka.

1 TESALUNIKA 4:13

Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

2 TESALUNIKA 3:6

Ui kantin-kantinku, ngan kuasau Tuhan Yesus Keristus kami ngajung kamu, supayau kamu njawuhi bilang jemau percayau diau malas bekerjau ngan nidau nuruti ajaghan diau kami ajaghka ngan kamu.