2 KURINTUS 2:17 - PEJANJIAN EMPAI CERITAU ILUAK

¹⁷ Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 2:17 ပူးပေါင်းရင်းမြစ်များ

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

RASUL 20:20

Aku nidau mandak ngiciakka setu diau begunau ngan kapu dighi. Gegalaunyautu kukiciakka ngan ajaghka, empuak di mukau jemau banyak empuak di ghuma kapu dighi.

RASUL 20:27

Karnau nidau kekela aku malas ngerjauka kerjauku ngiciakka ngan kapu dighi gegalau rencanau Allah.

1 KURINTUS 5:8

Mangku jangan kitau merayauka jamuan itu ngan ghagi diau lamau, diautu ghagi keja'atan ngan kejeditan. Mela kitau merayaukanyau ngan ruti diau nidau beghagi. Rutitu mbayangka gegalaunyau diau iluak ngan benagh di adapan Allah.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

2 KURINTUS 1:18

Demi Allah diau pacak dipercayaui janjiku ngan kamu ukan “au” ngan “nidau”.

2 KURINTUS 11:11

Ngapau luak itu? Apu aku nidau nyayangi kamu? Allah keruan aku nyayangi kamu.

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

GALATIA 1:6

Aku kemangan ngan kamu. Kamu dipilia Allah, karnau Keristus sayang ngan kamu. Anyautu mbak kini kamu cepat nian nyimpang jak di Diau mangku ngikut ceritau iluak diau lain.

1 TESALUNIKA 2:4

Kami ngiciak ukan endak melemakka ati manusiau, tapitu endak melemakka ati Allah, karnau Allah nganggap kami pantas ngiciakka ceritau iluak itu. Diautu nguji ati kami.

TITUS 1:11

Jemau diau luak itu mesti ditukup mulutau, karnau ughangtu ngacauka banyak ghuma-tanggau ngan ngajaghka diau nidau-nidau endak bulia untung diau nidau pantas.

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

PENGINA'AN 2:20

Anyautu adau pulau setu diau Aku nidau tetuju. Kaba ngenangka Isebil, jemau tinautu, diau ngakuak diriau nabi. Diautu ngajagh ngan nipuka anak-buaKu endak menaugawia ngan makan makanan diau la disiwauka.