2 KURINTUS 13:11 - PEJANJIAN EMPAI CERITAU ILUAK

¹¹ Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

2 KURINTUS 13:11 ပူးပေါင်းရင်းမြစ်များ

MATIUS 1:23

“Sughang budak gadis ka ngandung ngan melahirka sughang anak lanang. Anak itu ka dinamauka Imanuil.” Imanuil retiau, “Allah betunggal ngan kitau.”

MATIUS 5:48

Kamu mesti sempernau luak Bapak kamu di sergau.”

MARKUS 10:49

Mangku Yesus mendam, katauNyau, “Pantaula diau.” Ughangtu mantau diau ngan bekatau, “Tenangla. Yesus mantau kaba. Mela betegakla.”

MARKUS 9:50

Gaghamtu iluak. Anyautu amun gagham nidau masin agi, apu pacak dimasinka? Kamu mesti njadi luak gagham. Idupla bedamai ngan gegalau jemau.”

LUKAS 9:61

Adau agi jemau lain bekatau, “Aku endak ngikut Dighi, anyautu ajungla aku baliak kudai endak pamit.”

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

RASUL 15:29

Jangan kapu dighi makan makanan diau la disiwauka, jangan makan dagha ngan daging benatang diau mati ditekiak ngan jangan menaugawia. Amun kapu dighi njawuaka diri jak di kerjau itu, kapu dighi la bebuat iluak. Inggan ini ajau. Salam kami.”

RASUL 18:21

Diau laka bejalan, diau bekatau, “Amun Allah ngenda'i, aku ka ngulang agi ke sini.” La udim ngiciak luak itu, diau belayar ninggalka Ipisus.

RASUL 23:30

Adau diau ngiciakka ngan aku, bansau adau rencanau ja'at endak mbunua diau. Itula sebapau aku cecepat ngajung diau dibatak njenguak dighi, mangku aku ngajung jemau diau mburuakkanyau ngiciakka pekarau itu ngan dighi.”

RUM 12:16

Suijauanla sughang ngan diau lain. Jangan geduak. Terimaula pulau jemau diau nidau diregaui. Jangan anggap diri kamu pintar.

RUM 12:18

Kamu mesti beusaha idup damai ngan gegalau jemau.

RUM 14:19

Itula sebapau kitau mesti beusaha, supayau idup suijauan ngan sangi teguaka.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 15:33

Aku bedu'a, supayau Allah diau ngenjuakka damai ngan manusiau nyertaui gegalau kamu. Amin.

RUM 16:20

Allah ngenjuakka damai ngan manusiau. Diau ka cepat ngancurka kuasau iblis ngan nunduakka diau ngan kamu. Yesus, Tuhan kitau, maju iluak ngan kamu.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

2 KURINTUS 1:4

Diau neguaka kami ngadapi gegalau tanggungan, mangku kami pacak neguaka jemau diau meghasauka bemecam-mecam tanggungan ngan carau diau semegi luak kami la diteguaka Allah.

2 KURINTUS 13:9

Kami riang, amun kami litak ngan kamu kuat. Kami bedu'a pulau, supayau kamu njadi iluak agi.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.

IPISUS 4:3

Usahakala nian idup bedamai, supayau kesatuan diau dienjuakka Rua Allah nidau beghuba.

IPISUS 6:23

Aku bedu'a, supayau Allah Bapak ngan Tuhan kitau Yesus Keristus ngenjuakka damai ngan kamu gegalau jemau Keristen, ngan nulung kamu sangi sayangi ngan maju percayau.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

PILIPI 3:16

Luak manau kila ini diau penting, ngikut carau diau la kitau terimau enggut mbak kini.

PILIPI 4:2

Yudia ngan Sintiki, aku mintak nian, supayau kamu duau suati serupu'an karnau sesamau percayau ngan Tuhan.

PILIPI 4:4

Luak manau kila kamu mesti riang karnau seghundak ngan Tuhan. Sekali agi aku ngiciakka: Riangla kamu!

PILIPI 4:9

Kerjaukala setu diau la kamu pelajaghi ngan terimau jak di aku, diau kamu dengagh ngan diau kamu kinak di aku. Mangku Allah diau ngenjuakka damai ka adau guak kamu.

1 TESALUNIKA 3:10

Siang-malam kami bedu'a nian, supayau kami pacak betemu ngan kamu endak namba diau gi kurang percayau.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TESALUNIKA 4:18

Karnau itu sangi teguakala ati kamu ngan kici'an ini.

1 TESALUNIKA 5:13

Kami ngajung, supayau kamu meregaui ngan nyayangi ughangtu nian karnau kerjau ughangtu. Idupla ngan damai sughang ngan diau lain.

1 TESALUNIKA 5:16

Maju injiakla kamu,

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

2 TESALUNIKA 3:1

Mangku, kantin-kantinku, du'aka kami. Bedu'ala, supayau katau Allah cepat tesiar mangku diterimau ngan iluak, luak diau la tejadi guak kamu senitu.

2 TESALUNIKA 3:16

Kami bedu'a, supayau Tuhan maju ngenjuakka damai ngan kamu, empuak luak manau ajau. Aku bedu'a, supayau Tuhan nyertaui gegalau kamu.

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

YAKUBUS 1:4

Mangku kamu mesti maju tekun mangku ngasilka diau sempernau, nidau kurang tuapau-apau.

1 PITRUS 3:11

Jemautu mesti njawuhi setu diau ja'at ngan ngerjauka setu diau iluak. Jemautu mesti beusaha nian endak idup ngan damai.

1 PITRUS 3:8

Mangku kamu mesti suijauan ngan semegi peghasauan. Sangi sayangila kamu luak jemau duau beghading, mangku sangi sialka kamu ngan jangan sangi gedu'i.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

PENGINA'AN 22:21

Aku bedu'a, supayau Tuhan Yesus iluak ngan gegalau kamu. Amin!