2 KURINTUS 12:19 - PEJANJIAN EMPAI CERITAU ILUAK

¹⁹ Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 12:19 ပူးပေါင်းရင်းမြစ်များ

RUM 12:19

Kantin-kantinku diau kusayangi, jangan kamu ndendam. Nengkela Allah diau ngukum, karnau di Injil ditulis, “Allah bekatau, ‘Akula diau mbalas, Akula diau ngukumau.’ ”

RUM 14:19

Itula sebapau kitau mesti beusaha, supayau idup suijauan ngan sangi teguaka.

RUM 15:2

Bilang kitau mesti melemakka ati kantin kitau batan endak keilu'annyau, mangku diau tamba percayau.

RUM 9:1

Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

1 KURINTUS 10:14

Itula sebapau, kamu mesti njawuhi diwau.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

2 KURINTUS 10:8

Aku nidau maluan, amun aku lebia mbanggaka kuasau diau dienjuakka Tuhan ngan kami, karnau kuasau itu dienjuakka batan endak neguaka kamu, ukanau batan endak mbenasauka kamu.

2 KURINTUS 11:10

Karnau ajaghan Keristus diau benagh adau di aku, nidau sughang kiala di gegalau daira Akaya pacak melengitka kebanggaanku itu.

2 KURINTUS 11:31

Allah, Bapak jak di Yesus, Tuhan kitau, keruan aku nidau mbu'ung. Tepujila namaunyau selelamaunyau.

2 KURINTUS 12:15

Itula sebapau ngan riang aku sukau ngerbanka gegalaunyau batan endak kamu, lagi diriku. Amun aku nyayangi kamu luak itu, apu pantas kamu kurang nyayangi aku?

2 KURINTUS 13:10

Itula sebapau aku nulis surat ini, masau aku gi jawua ngan kamu. Mangku amun aku datang guak kamu, aku nidau nanti ngukum nurut kuasau diau dienjuakka Tuhan ngan aku. Aku endak majuka kamu ukan endak ngancurka.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 3:1

Apu kami la mulai agi muji diri kami? Apu kami mesti nunjuakka surat pujian ngan kamu luak jemau lain, apu mintak surat pujian ngan kamu?

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

PILIPI 4:1

Karnau itu, kantin-kantinku diau kusayangi, majula percayau nian ngan Tuhan. Aku ghindu nian ngan kamu. Kamula mbuat aku riang ngan bangga.

1 TESALUNIKA 5:11

Itula sebapau kamu mesti sangi tulungi ngan teguaka ati kamu, luak diau la kamu kerjauka.

IBRANI 6:9

Kantin-kantinku diau kusayangi, empuak kami ngiciak luak itu, kami percayau ngan kamu. Kami yakin, bansau kamu ka milia jalan diau iluak mangku kamu ka selamat.