2 KURINTUS 11:3 - PEJANJIAN EMPAI CERITAU ILUAK

³ Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 11:3 ပူးပေါင်းရင်းမြစ်များ

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RUM 12:8

Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

2 KURINTUS 11:20

Kamu nerimau nian, amun jemau mbudakka kamu, amun jemau nguasaui ngan ngambiak untung banyak jak di kamu, amun jemau nganggap diriau lebia jak di kamu ngan beghani nampagh kamu.

2 KURINTUS 11:29

Amun adau diau nidau tegua, aku meghasau pulau nidau tegua. Amun adau diau celakau ngan dusau, atiku madak nian karnau maluan.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

GALATIA 1:6

Aku kemangan ngan kamu. Kamu dipilia Allah, karnau Keristus sayang ngan kamu. Anyautu mbak kini kamu cepat nian nyimpang jak di Diau mangku ngikut ceritau iluak diau lain.

GALATIA 2:4

Nyela, adau jemau diau endak masau carau itu. Ughangtu cak jemau Keristen ngan masuak nidau dikeruani luak mematau. Ughangtu endak ngeruani ngan ngalangi kebibasan diau adau di kitau, karnau kitau idup seghundak ngan Yesus Keristus. Ngan carau luak itu ughangtu endak mbudakka kitau agi.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

GALATIA 4:11

Aku ghegak, kalu aku bulia keria ajau batan endak kamu.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

IPISUS 4:22

Karnau itu capakkala manusiau lamau ngan carau idup senitu diau dirusakka serilau diau sesattu.

IPISUS 6:24

Aku bedu'a, supayau Allah iluak ngan gegalau kamu diau nyayangi Tuhan kitau Yesus Keristus ngan sayang diau nidau ka abis-abis.

KULUSI 2:18

Jangan enangka kamu dirugika jemau nerimau hak kamu. Jemautu cak ngensian, cak alim ngan nyemba malaikat. Jemautu geduak, karnau rupu'annyau rupu'an deniau. Diautu nganggap diriau lebia, karnau adau pengina'an.

KULUSI 2:4

Aku ngiciakka titu, supayau kamu jangan dicalu'i jemau diau pacak ngiciak.

KULUSI 2:8

Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

1 TIMUTIUS 1:3

Masau aku pegi ke Makedunia, la kuajungka ngan kaba, supayau maju mendam di Ipisus, karnau di situ adau jemau diau ngajaghka ajaghan nidau benagh, mangku kaba mesti ngajung ughangtu mandak.

1 TIMUTIUS 2:14

Lagi pulau ukan Adam diau ditipuka ulagh, tapitu Hawa, mangku melanggar perinta Allah.

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

TITUS 1:10

La banyak jemau diau melawan, terutamau jemau diau asalau jak di agamau Yahudi. Ughangtu nyesatka jemau ngan kici'an mbu'ung.

IBRANI 13:9

Jangan kamu disesatka ngan bemecam-mecam ajaghan. Ati kitau diteguaka karnau keilu'an Allah, ukan karnau peraturan makanan. Nuruti peraturan makanantu nidau bediau gunaunyau.

2 PITRUS 3:17

Anyautu kamu diau kusayangi la keruan gegalaunyautu. Karnau itu sepepadaula. Jangan kamu tebatak sesat ngan jemau diau nidau keruan ukum, ngan jangan kelengitan aghapan diau tegua.

2 PITRUS 3:3

Diau penting diau mesti kamu keruani, bansau masau pengabisan saman ka adau jemau diau idupau dikuasaui serilaunyau. Ughangtu ka nggelakka kamu.

1 YUHANIS 2:18

Ui anak-buaku, aghi kiamat la pasigh. La dikiciakka ngan kamu, bansau Musua Keristus ka datang. Mbak kini la datang banyak jemau diau bemusuan ngan Keristus. Itula tandaunyau, bansau aghi kiamat la pasigh.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

PENGINA'AN 12:15

Mangku mulut nagautu nyemburka ayiak besak luak batang-ayiak merampus ke ara tinautu, supayau diau anyut.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 20:2

Malaikattu nangkap nagau, ulagh tuautu, diautu Iblis ngan Sitan, dikebat selamau seribu taun,