2 KURINTUS 11:23 - PEJANJIAN EMPAI CERITAU ILUAK

²³ Apu ughangtu bekerjau batan endak Keristus? Aku ngiciak luak jemau gilau, iluakla aku sangkan gegalau ughangtu. Nemanla aku bekerjau, rajinla aku dijilka. Banyakla aku disaraui ngan rajin sengkiap mati.

2 KURINTUS 11:23 ပူးပေါင်းရင်းမြစ်များ

RASUL 14:19

Adau jemau Yahudi datang jak di Antiukia ngan Ikunium. Ughangtu muji jemau Listera, mangku jemau banyak mihak ngan ughangtu. Ughangtu nyipati Paulus ngan batu, mangku naghiak diau keluagh kuta, karnau disangkau ughang diau la mati.

RASUL 20:23

Aku cuman keruan, setu diau dinyatauka Rua Allah di bilang kuta, bansau aku ka masuak jil ngan sengsarau.

RASUL 21:11

Diau datang njenguak kami, ngambiak bebat Paulus, mangku ngebat keting ngan tanganau sendighi ngan bekatau, “Luak inila diau dikiciakka Rua Allah, ‘Jemau diau ngempu bebat ini ka dikebat jemau Yahudi luak ini di Yerusalim, mangku diseraka ngan jemau bangsau lain.’ ”

RASUL 25:14

La bebeghapau aghi ughang duautu adau di situ, Pestus ngiciakka pekarau Paulus ngan rajau, kataunyau, “Di sini adau sughang kawalan diau ditinggalka Pelikes.

RASUL 27:1

La udim ditetapka, bansau kami ka belayar ke Italia, mangku Paulus ngan bebeghapau kawalan lainau diseraka ngan Yulius, sughang kepalak tentera jak di rumbungan Kaisar.

RASUL 28:16

La sampai di Rum, Paulus dibuliaka mendam di ghumahau dijagaui sughang tentera.

RASUL 28:30

Paulus nunggu ghuma siwahannyautu selamau duau taun. Diau nerimau gegalau jemau diau tandang ngan diau.

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

RUM 8:36

Dalam Injil ditulis luak ini, “Sesaghian kami adau dalam bayau maut karnau Dighi. Kami dibuati luak bebiri diau endak disembelia.”

1 KURINTUS 15:10

Anyautu karnau keilu'an Allah aku njadi luak aku mbak kini. Mangku nidau rugi Allah iluak ngan aku. Aku la bekerjau mati-matian nian jak di gegalau ughangtu. Sebenaghau ukan aku diau ngerjauka titu, tapitu Allah diau nyayangi ngan nulungi aku.

1 KURINTUS 3:5

Sebenaghau sapau Apulus, sapau Paulus? Kamini cuman pekerjau Allah diau mbimbing kamu percayau ngan Keristus. Kami cuman ngerjauka tugas diau diajungka Allah ngan kami sesughangan.

1 KURINTUS 4:1

Anggapla kami pekerjau Keristus diau dipercayauka ngiciakka rencanau Allah diau lum keruan ngan deniau.

1 KURINTUS 4:11

Enggut mbak kini kami kelapaghan ngan keausan. Baju kami, baju jarit di badannila. Kami dilagaui, kami nidau bebada.

1 KURINTUS 4:9

Nurut pendapatku, ngan kami diau la njadi rasul Allah ngenjuakka bada diau inau sekali, luak jemau diau la diukum mati, mangku kami la njadi tuntunan deniau, malaikat ngan manusiau.

2 KURINTUS 10:7

Kamu cuman nginak setu diau kina'an jak di luagh ajau. Amun adau sughang diau yakin, bansau diau hak Keristus, diau mesti berupuak agi, mangku nyadari, bansau kamini pulau hak Keristus semegi ngan diautu.

2 KURINTUS 11:5

Dikit kiala aku nidau meghasau inau jak di rasul-rasul diau hibat itu.

2 KURINTUS 3:6

Diautu pulau mbuat kami sanggup bekerjau batan endak Allah nurut janji empai. Janjitu tegantung ngan Rua Allah ukan ngan ukum diau tetulis. Karnau diau ditulistu mbatak mati, tapitu Rua Allah ngenjuakka idup.

2 KURINTUS 4:11

Empungan gi idup, kami maju dalam bayau maut karnau Yesus, mangku idup Yesus pulau dinyatauka di badan kami diau pacak mati.

2 KURINTUS 6:9

Kami dianggap nidau tekenal, tapitu dikeruani gegalau jemau. Kami dikiciakka mati, tapitu kina'ila kami idup. Kami diukum, tapitu nidau mati.

GALATIA 6:17

Mangku jangan sughang kia madakka aku agi, karnau di badanku adau buktiau, bansau aku anak-bua Yesus.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 6:20

Aku njadi ajungan batan endak ceritau iluak itu, mbak kini aku dalam jil. Du'akala aku, mangku aku beghani ngiciakka ceritau iluaktu, luak aku mesti ngiciakkanyau.

PILIPI 1:13

Mangku penjagau istana ngan jemau lainau di sini la keruan galau, bansau aku dijilka karnau bekerjau batan endak Keristus.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

KULUSI 1:29

Batan endak itula aku bekerjau mati-matian. Aku beusaha ngan gegalau tenaga diau dienjuakka Keristus ngan aku diau kuat bekerjau di aku.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

1 TIMUTIUS 4:6

Amun kaba ngajaghka gegalaunyautu ngan kantin-kantin kitau diau percayau, kaba ka njadi budak Yesus Keristus diau bekerjau ngan iluak. Kaba mesti maju neguaka ati kaba ngan katau Allah diau kitau percayaui ngan ajaghan diau benagh diau kaba turuti selamau ini.

2 TIMUTIUS 1:16

Kapu Unesipurus la rajin meriangka atiku. Aku bedu'a, supayau Tuhan iluak ngan diau. Empuak aku di jil, diau nidau maluan ngan setu diau kughasauitu.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 3:11

Kaba la nginak aku dianiayau ngan nanggung. Kaba keruan gegalaunyau diau tejadi di aku di Antiukia ngan Ikunium ngan Listera. Kaba keruan gegalaunyau diau kutanggungka. Anyautu jak di gegalaunyautu Tuhan la ngilakka aku.

PILEMUN 1:9

Anyautu karnau kitau sangi sayangi, iluakla aku mintak ajau. Akuni la tuau, lagi pulau mbak kini dalam jil karnau Yesus Keristus.

IBRANI 10:34

Kamu ngikut meghasauka kemada'an jemau diau dijilka. Masau gegalau retau kamu diambiak jemau, kamu maju riang, karnau kamu keruan, kamu adau setu diau lebia iluak agi diau ka ta'an selelamaunyau.