2 KURINTUS 11:13 - PEJANJIAN EMPAI CERITAU ILUAK

¹³ Ughangtu cak rasul. Ughangtu bekerjau ngan mbu'ungi jemau, ughangtu luluak rasul Keristus.

2 KURINTUS 11:13 ပူးပေါင်းရင်းမြစ်များ

MATIUS 25:24

Udim itu anak-buahau diau nerimau seribu tanci emas itu datang ngan bekatau, ‘Tuan, aku keruan dighi jemau kejam. Dighi ngetam di bada diau nidau dighi tanam. Dighi ngambiak asilau di bada diau nidau dighi amburka benia.

RASUL 15:1

Adau bebeghapau jemau jak di Yudia datang ke Antiukia ngajagh jemau Keristen di situ, kataunyau, “Amun kapu dighi nidau disunat nurut ukum Musa, kapu dighi nidau pacak diselamatka.”

RASUL 15:24

Kami la ndengagh ceritaunyau adau jemau jak di kami pegi njenguak kapu dighi ngan ngacauka kapu dighi ngan ajaghannyau. Kami nidau ngajung ughangtu ngerjauka titu.

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

2 KURINTUS 11:15

Mangku nidau nanti kemangan, amun anak-bua iblis luluak anak-bua Allah. Udim-udimau ughangtu ka nerimau balasan diau setimpal ngan kerjaunyautu.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

GALATIA 1:7

Sebenaghau nidau bediau injil lain. Anyautu adau jemau diau ngacauka kamu, endak ngubai ceritau iluak jak di Keristus.

GALATIA 2:4

Nyela, adau jemau diau endak masau carau itu. Ughangtu cak jemau Keristen ngan masuak nidau dikeruani luak mematau. Ughangtu endak ngeruani ngan ngalangi kebibasan diau adau di kitau, karnau kitau idup seghundak ngan Yesus Keristus. Ngan carau luak itu ughangtu endak mbudakka kitau agi.

GALATIA 4:17

Jemau diau lain itu ngan riang ndala'i kamu, anyautu rencanau ughangtu nidau iluak. Ughangtu cuman endak nceghaika kami ngan kamu, supayau kamu ngikut ughangtu ngan riang.

GALATIA 6:12

Jemau diau nganggap diriau lebia karnau setu diau kina'an, ughangtula diau endak masauka kamu besunat. Ughangtu ngerjauka titu, supayau nidau diluatka jemau Yahudi karnau ngiciakka ceritau Keristus diau mati di kayu salip.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

PILIPI 3:18

Aku la rajin ngiciakka ngan kamu, mbak kini kukiciakka agi sampai nangis, banyak jemau idup njadi musua salip Keristus.

PILIPI 3:2

Sepepadaula ngan jemau diau ngerjauka setu diau ja'at diau luak anjing. Ughangtu endak masau jemau besunat,

KULUSI 2:4

Aku ngiciakka titu, supayau kamu jangan dicalu'i jemau diau pacak ngiciak.

KULUSI 2:8

Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

1 YUHANIS 2:18

Ui anak-buaku, aghi kiamat la pasigh. La dikiciakka ngan kamu, bansau Musua Keristus ka datang. Mbak kini la datang banyak jemau diau bemusuan ngan Keristus. Itula tandaunyau, bansau aghi kiamat la pasigh.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

PENGINA'AN 2:2

Aku keruan kerjau kaba. Aku keruan, kaba bekerjau mati-matian ngan tekun nian. Aku keruan, kaba nidau pacak ngaligh ngan jemau ja'at. Mangku jemau diau ngakuak diriau rasul awuak ukan, la kaba uji. Mangku kaba la keruan, bansau ughangtu pembu'ung.

PENGINA'AN 2:20

Anyautu adau pulau setu diau Aku nidau tetuju. Kaba ngenangka Isebil, jemau tinautu, diau ngakuak diriau nabi. Diautu ngajagh ngan nipuka anak-buaKu endak menaugawia ngan makan makanan diau la disiwauka.

PENGINA'AN 2:9

Aku keruan kaba sengsarau ngan serik, awuak sebenaghau kaba kayau. Aku keruan buru'an jemau diau ngakuak diriau jemau Yahudi, awuak sebenaghau ukan. Ughangtu umat iblis?