2 KURINTUS 1:22 - PEJANJIAN EMPAI CERITAU ILUAK

²² Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

2 KURINTUS 1:22 ပူးပေါင်းရင်းမြစ်များ

YUHANIS 3:33

Jemau diau percayau ngan kici'anNyautu nyetujui Allah itu benagh.

YUHANIS 6:27

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

RUM 4:11

Sunattu cuman njadi tandau, bansau diau dibenaghka Allah karnau percayau antak ka besunat. Mangku diau njadi bapak gegalau jemau percayau diau nidau besunat, mangku ughangtu dibenaghka karnau percayau.

RUM 8:23

Ukan itu ajau, kitau pulau nyempit dalam ati. Kitau la nerimau Rua diau dienjuakka Allah njadi pengenjuak diau dulu sekali. Kitau masia nunggu Allah mbibaska kitau njadika kitau ana'Au.

RUM 8:9

Anyautu kamu nidau idup nurut serilau manusiau. Kamuni idup nurut Rua Allah, amun ngenian Ruatu adau dalam kamu. Jemau diau nidau bediau Rua Allah ukan hak Keristus.

2 KURINTUS 5:5

Allah nyediauka kitau batan endak itu, mangku Diau ngenjuakka RuaHau ngan kitau njadi jaminan gegalaunyau diau la disediauka batan endak kitau.

IPISUS 4:30

Jangan madakka Rua Allah. Kamu la ditandaui ngan Ruatu njadi hak Allah. Ruatu njadi jaminan batan endak kitau, bansau aghi kitau diselamatka ka sampai.

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

PENGINA'AN 2:17

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang ka Kuenjuakka makan makanan Mana diau tebuni, mangku Aku ka ngenjuakka ngan diau batu putia. Di batutu ditulis namau empai diau nidau dikeruani jemau lain jak di jemau nerimaunyau.’ ”

PENGINA'AN 7:3

“Jangan kudai merusakka deniau ngan laut ngan kekayuan, amun kami lum nandaui kening jemau diau la njadi hak Allah.”

PENGINA'AN 9:4

Mangku nidau diajung merusakka gheghumputan, tetanaman ngan kekayuan, tapitu diajung nyerang jemau ajau diau nidau bediau tandau jak di Allah di keningau.