2 KURINTUS 1:12 - PEJANJIAN EMPAI CERITAU ILUAK

¹² Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

2 KURINTUS 1:12 ပူးပေါင်းရင်းမြစ်များ

RASUL 23:1

Paulus ngina'i angguta pengadilan, mangku bekatau, “Ui, kapu dighi. Enggut mbak kini aku nidau meghasau besala dalam atiku di adapan Allah.”

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

RUM 9:1

Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

1 KURINTUS 1:17

Keristus ngajung aku ukan endak mbaptiska jemau, tapitu endak ngiciakka ceritau iluak jak di Allah. Itu pulau mesti kukerjauka, ukan karnau pintar ngiciak, supayau kematian Keristus di kayu salip jangan kesesiau ajau.

1 KURINTUS 12:8

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah.

1 KURINTUS 15:10

Anyautu karnau keilu'an Allah aku njadi luak aku mbak kini. Mangku nidau rugi Allah iluak ngan aku. Aku la bekerjau mati-matian nian jak di gegalau ughangtu. Sebenaghau ukan aku diau ngerjauka titu, tapitu Allah diau nyayangi ngan nulungi aku.

1 KURINTUS 2:13

Mangku, amun kami ngiciakka Allah ngan jemau diau adau Rua Allah, kami nidau ngiciakkaNyau nurut rupu'an jemau, tapitu nurut ajaghan Rua Allah.

1 KURINTUS 4:4

Aku nidau meghasau besala, anyautu titu ukan mbuktika, bansau aku endiak besala. Tuhan itula ka netapka, apu aku besala apu nidau.

1 KURINTUS 5:8

Mangku jangan kitau merayauka jamuan itu ngan ghagi diau lamau, diautu ghagi keja'atan ngan kejeditan. Mela kitau merayaukanyau ngan ruti diau nidau beghagi. Rutitu mbayangka gegalaunyau diau iluak ngan benagh di adapan Allah.

2 KURINTUS 1:17

Anyautu rencanaukutu la beghuba. Apu itu bereti, bansau pendirianku nidau benagh? Apu aku mbuat rencanau nurut kendakkunila, mangku kekadangan aku ngiciakka “au” kekadangan “nidau”?

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 8:8

Aku ukan ngiciakka titu endak ngajung kamu, tapitu endak nunjuakka jemau lain diau rajin ngenjuak ngan jemau. Mangku aku endak keruan pulau, apu kamu sayang nian.

GALATIA 6:4

Bilang jemau mesti merisau diriau, apu kerjaunyau iluak apu nidau. Amun iluak, diau bulia meghasau bangga, nidau nanti mbandingkanyau ngan kerjau jemau.

IPISUS 6:14

Kamu mesti maju siagau. Kenaukala ceritau Allah diau benagh njadi bebat ngan kerjau diau benagh njadi baju besi kamu.

PILIPI 1:10

Mangku kamu pacak milia diau iluak sekali, mangku idup kamu ka beresia ngan nidau becacat ngan nidau bediau buru'an tuapau kila, amun Keristus datang nanti.

1 TESALUNIKA 2:10

Idup kami beresia, benagh ngan nidau bediau cacatau tuadap kamu diau la percayau ngan Keristus. Kamuni ngeruani kami ngan Allah pulau ngeruani kami.

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

IBRANI 13:18

Majula du'aka kami. Kami yakin ati keciak kami beresia, karnau kami maju endak ngerjauka setu diau iluak.

YAKUBUS 4:6

Empuak luak itu besakla sayang Allah ngan kitau. Itula sebapau di Injil ditulis, “Allah melawan jemau diau geduak, tapitu nyialka jemau diau ngensian.”

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati