1 YUHANIS 5:4 - PEJANJIAN EMPAI CERITAU ILUAK

⁴ karnau bilang anak Allah pacak ngalaka deniau diau ja'at ini. Ngan iman kitau ngalakanyau.

1 YUHANIS 5:4 ပူးပေါင်းရင်းမြစ်များ

YUHANIS 1:13

Ughangtu njadi anak Allah ukan ngan carau manusiau, ukan pulau karnau dikenda'i sughang jemau lanang, anyautu idup itu asalau jak di Allah.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

1 KURINTUS 15:57

Empuak luak itu, terimau-kasia ngan Allah. Diau la ngenjuakka kemenangan ngan kitau karnau Yesus Keristus, Tuhan kitau.

1 YUHANIS 2:29

Kamu la keruan, bansau Keristus idup nurut kendak Allah, mangku kamu mesti keruan pulau, bansau bilang jemau diau idup nurut kendak Allah asalau jak di Allah.

1 YUHANIS 3:9

Jemau diau la njadi anak Allah nidau agi bebuat dusau. Sipat Allah itula adau di diau, mangku diau nidau agi bedusau, karnau la njadi anak Allah.

1 YUHANIS 4:4

Ui anak-buaku, kamuni asal jak di Allah, mangku kamu la ngalaka nabi tiruantu, karnau bekuasaula rua diau adau di kamu sangkan rua diau adau di deniauni.

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

1 YUHANIS 5:18

Kitau keruan, bansau gegalau jemau diau la njadi anak Allah nidau agi bebuat dusau, karnau Anak Allah njagauinyau, mangku Iblis nidau pacak mbuat tuapau-apau ngan diau.

1 YUHANIS 5:5

Sapau pacak ngalaka deniauni? Nyela, jemau diau percayau, bansau Yesusla Anak Allah.

PENGINA'AN 12:11

Ughangtu la ngalaka diau ngan dagha Anak Bebiritu, dikalaka ngan ceritau iluak jak di Allah diau dikiciakka ughangtu. Ughangtu rila nyeraka nyawaunyau enggut mati.

PENGINA'AN 15:2

Mangku aku nginak adau laut luak kacau beundak api. Di tepi lauttu adau jemau diau la ngalaka benatang ngan patungau ngan angkau namaunyautu. Ughangtu adau kecapi jak di Allah.

PENGINA'AN 2:11

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang nidau ka ngapau-ngapau ngan kematian diau keduau.’ ”

PENGINA'AN 2:17

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang ka Kuenjuakka makan makanan Mana diau tebuni, mangku Aku ka ngenjuakka ngan diau batu putia. Di batutu ditulis namau empai diau nidau dikeruani jemau lain jak di jemau nerimaunyau.’ ”

PENGINA'AN 2:26

Jemau diau menang ngan ngerjauka kendakKu enggut pengabisan ka Kuenjuakka kuasau nguasaui bangsau-bangsau,

PENGINA'AN 2:7

Jemau diau betelingau dengaghkala setu diau dikiciakka Rua Allah ngan jemau Keristen! Diau menang ka Kuenjuakka makan bua jak di batang diau ngenjuakka idup diau adau di kebun Pirdaus Allah.’ ”

PENGINA'AN 3:12

Jemau diau menang ka Kujadika tiang di Ghuma Allah diau suci, mangku diau adau di bada itu selelamaunyau. Di diau ka Kutuliska namau Allah ngan namau kuta Allah, diautu Yerusalim empai diau ka tughun jak di sergau jak di Allah, ngan pulau namauKu diau empai ka Kutuliska di diau.

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

PENGINA'AN 3:5

Jemau diau menang ka dienjuakka baju putia luak jemau itu tadi. Namaunyau nidau ka Kukusam jak di kitab jemau diau ka dienjuakka idup. Aku ka ngaku'i namaunyau di adapan BapakKu ngan di adapan malaikatAu.