1 YUHANIS 4:9 - PEJANJIAN EMPAI CERITAU ILUAK

⁹ Allah nyatauka ngan kitau, bansau Diau nyayangi kitau, karnau Diau ngajung Ana'Au diau gi sughang itula datang ke deniau, supayau kitau bulia idup karnau Ana'Autu.

1 YUHANIS 4:9 ပူးပေါင်းရင်းမြစ်များ

MARKUS 12:6

Mangku tigha ana'au diau sikuak itula diau disayangi. Diautu diajung njenguak jemau parauan tadi, rupu'annyau, ‘Cengki anakku ka diregaui ughangtu.’

LUKAS 4:18

“Rua Tuhan adau di Aku, karnau Diau la netapka Aku endak ngiciakka ceritau iluak ngan jemau serik-sarau. Diau ngajung Aku ngebarka, bansau jemau tetangkap ka diluputka ngan jemau butau ka pacak nginak. Diau ngajung Aku nulung jemau diau dipasau

YUHANIS 10:10

Risau datang endak maling, endak mbunua, endak merusak. Akuni datang, supayau kapu dighi bulia idup, idup sempernau ngan gegalaunyau adau.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 3:18

Jemau diau percayau ngan Diau nidau ka diukum. Anyautu jemau diau nidau percayau la diukum Allah, karnau diau nidau percayau ngan Anak Allah diau gi sughang itula.

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

YUHANIS 6:29

Yesus nimbal, “Inila diau dikenda'i Allah ngan kapu dighi: Percayaula ngan Aku diau diajung Allah.”

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

YUHANIS 6:57

Bapak diau ngenjuakka iduptu ngajung Aku, mangku Aku pulau idup karnau Bapak. Luak itu pulau jemau diau makan dagingKu ka idup karnau Aku.

YUHANIS 8:29

Diau ngajung Aku nyertaui Aku. Diau nidau kekela ngenangka Aku sughang, karnau Aku maju ngerjauka setu diau melemakka atiAu.”

YUHANIS 8:42

Mangku Yesus bekatau ngan ughangtu, “Amun Allahtu bak kapu dighi, kapu dighi ka nyayangi Aku, karnau asalKu jak di Allah. Aku datang ukan karnau kendakKunila, tapitu Allah ngajung Aku.

YUHANIS 9:3

Yesus bekatau, “Diauni butau ukan ikak dusaunyau, ukan pulau ikak dusau pejadiau, tapitu supayau kuasau Allah nyatau dalam idupau.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

IBRANI 1:5

Nidau kekela Allah ngiciak luak ini ngan sughang malaikat, “Kaba AnakKu! Saghini Aku njadi Bak Kaba.” ngan pulau, “Aku ka njadi Bapa'Au, Diautu njadi AnakKu.”

1 YUHANIS 3:16

Kitau keruan sayang Allah ngan jalan ini: Keristus nyeraka nyawaunyau batan endak kitau. Mangku kitauni mesti pulau nyeraka nyawau kitau batan endak kantin-kantin kitau.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

1 YUHANIS 4:16

Mangku kitau keruan ngan percayau Allah nyayangi kitau. Allah itu nyayangi. Jemau diau maju nyayangi maju seghundak ngan Allah, Allah seghundak ngan diau.

1 YUHANIS 5:11

Luak ini kici'antu: Allah la ngenjuakka ngan kitau idup sejati selelamaunyau. Mangku iduptu asalau jak di Ana'Au.

1 YUHANIS 5:13

Gegalaunyautu kutuliska ngan kamu diau percayau ngan Anak Allah, supayau kamu keruan, bansau kamu la bulia idup sejati selelamaunyau.