1 YUHANIS 4:1 - PEJANJIAN EMPAI CERITAU ILUAK

¹ Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

1 YUHANIS 4:1 ပူးပေါင်းရင်းမြစ်များ

1 TESALUNIKA 5:21

Keruanila gegalaunyau, diau iluak mesti diikuti.

2 PITRUS 2:1

Masau baghini la adau cak nabi di guak umat Allah. Luak itu pulau di guak kamu ka adau guru diau nyesatka. Ughangtu ka ngajaghka ajaghan diau nidau benagh diau mbenasauka jemau. Ughangtu nidau ngaku'i penguasau diau la nebus ughangtu. Ngan carau luak itu ughangtu sala sendighi, sangkan cepat diukum.

1 TIMUTIUS 4:1

Rua Allah ngiciakka nian, bansau nanti ka adau jemau diau ngelipat, nidau agi ngikut Yesus. Ughangtu ka ngikut rua ja'at diau nyesatka ngan ngikut ajaghan iblis.

2 YUHANIS 1:7

Banyak tukang mbu'ung la ngidari jagat. Ughangtu nidau ngaku'i, bansau Yesus Keristus datang ke deniau nyerupaui jemau. Jemau luak itu tukang mbu'ung ngan musua Keristus.

1 KURINTUS 14:29

Enangka duau apu tigau ughang ngiciakka katau Allah, penarau diau lain merupuakka setu diau dikiciakkatu.

1 YUHANIS 2:18

Ui anak-buaku, aghi kiamat la pasigh. La dikiciakka ngan kamu, bansau Musua Keristus ka datang. Mbak kini la datang banyak jemau diau bemusuan ngan Keristus. Itula tandaunyau, bansau aghi kiamat la pasigh.

LUKAS 12:57

Ngapau kapu dighitu nidau mutuska setu diau benagh?

LUKAS 21:8

Yesus bekatau, “Sepepadaula, jangan kamu tetipu. Banyak jemau ka datang makai namauKu ngan bekatau, ‘Akula diau’ lagi, ‘La masaunyau’. Jangan kamu ngikut ughangtu.

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

PENGINA'AN 2:2

Aku keruan kerjau kaba. Aku keruan, kaba bekerjau mati-matian ngan tekun nian. Aku keruan, kaba nidau pacak ngaligh ngan jemau ja'at. Mangku jemau diau ngakuak diriau rasul awuak ukan, la kaba uji. Mangku kaba la keruan, bansau ughangtu pembu'ung.

1 KURINTUS 12:10

Diau sughang dienjuakka kuasau ngadauka tandau nyelia, diau lain dienjuakka kuasau ngiciak luak sughang nabi. Adau diau dienjuakka kuasau mbidaka, manau diau Rua Allah manau diau ukan. Adau diau dienjuakka kuasau bekiciak basau rua. Adau pulau diau dienjuakka kuasau ngiciakka reti basau ruatu.

RASUL 20:29

Aku keruan, amun aku la pegi, setuau diau ganas ka datang guak kapu dighi, mangku jemau diau kapu dighi jagauitu ka njadi makanan setuautu.

MARKUS 13:21

Masau itu amun adau jemau diau ngiciak ngan kamu, ‘Kina'ila, Rajau Penyelamat adau di sini.’ ngan ‘Diau adau di situ.’, jangan percayau ngan jemau itu,

RASUL 17:11

Jemau Yahudi di kuta itu nerimau nian kici'an Paulus, ukan luak jemau Tesalunika. Ngan riang ughangtu ndengaghka ceritau Yesus. Idang aghi ughangtu melajaghi nian Injil endak ngeruani, apu gegalaunyau nyela luak itu.

1 TESALUNIKA 5:20

Jangan nganggap enteng ceritau diau dienjuakka Rua Allah.

2 TESALUNIKA 2:2

Jangan kamu mura bingung ngan ghegak, karnau adau ceritau aghi Tuhan la sampai, enta ceritautu asalau jak di katau rua, enta jak di ajaghan, enta jak di surat diau dikiciakka asalau jak di kami.

1 YUHANIS 2:7

Kantin-kantinku diau kusayangi. Diau kutulis itu ukan perinta diau empai, tapitu perinta diau lamau diau la dikiciakka ngan kamu jak di senitu. Perinta itu katau Allah diau la kamu dengagh.

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.