1 YUHANIS 3:3 - PEJANJIAN EMPAI CERITAU ILUAK

³ Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.

1 YUHANIS 3:3 ပူးပေါင်းရင်းမြစ်များ

MATIUS 5:48

Kamu mesti sempernau luak Bapak kamu di sergau.”

LUKAS 6:36

Semestiau kamu iluak ati, luak Bapak kamu iluak atiAu.”

YUHANIS 17:19

Bak, batan endak ughangtu Aku nyeraka diriKu ngan Dighi, supayau ughangtu pulau nyeraka diriau nian batan endak Dighi.

RASUL 15:9

Allah nidau nian mbidaka kitau ngan ughangtu. Diau mberesiaka ati ughangtu, karnau ughangtu percayau.

RUM 15:12

Mangku nabi Yesaya la ngiciak, “Jak di pengadau Isai ka adau sughang diau merinta bangsau-bangsau. Ughangtu ka ngaghapka Diau.”

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

TITUS 3:7

Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

IBRANI 7:26

Imam Besak luak Yesus itula diau kitau perluka. Diautu beresia, nidau bediau sala ngan dusauNyau. Diau diasingka jak di jemau bedusau, mangku Diau ditinggika ke bada diau tinggi di sergau.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

1 PITRUS 1:15

Anyautu gegalaunyau diau kamu kerjauka mesti suci, luak Allah diau milia kamutu suci.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

1 YUHANIS 4:17

Karnau kitau disayangi Allah nian, mangku kitau nidau endak takut masau aghi kiamat, karnau idup kitau luak idup Keristus di deniauni.