1 YUHANIS 3:2 - PEJANJIAN EMPAI CERITAU ILUAK

² Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.

1 YUHANIS 3:2 ပူးပေါင်းရင်းမြစ်များ

MATIUS 5:8

Riangla jemau diau beresia atiau, karnau diau ka keruan Allah.

LUKAS 17:30

Luak itula pulau nanti, masau Anak Manusiau dinyatauka.

LUKAS 20:36

Ughangtu luak malaikat, nidau ka mati agi. Ughangtu anak Allah, karnau la diidupkaNyau agi.

YUHANIS 1:12

Mangku bilang jemau diau nerimauNyau ngan percayau ngan Diau, dienjuakkaNyau hak njadi anak Allah.

YUHANIS 11:52

Diau ukan mati batan endak bangsau itu ajau, tapitu pulau endak nunggalka ngan nyatuka anak-anak Allah diau di bada lainau.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RUM 8:16

Rua Allah ngan rua kitau nyatauka, bansau kitau anak-anak Allah.

RUM 8:18

Aku keruan, bansau penanggungan kitau mbak kini nidau pacak dibandingka ngan keagungan diau ka diancakka ngan kitau nanti.

RUM 8:19

Gegalau setu diau dijadika nunggu nian masau Allah ngancakka anak-ana'Au.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

1 KURINTUS 13:12

Setu diau kitau kina'i mbak kini luak gambar di cemin diau kabugh. Nanti kitau ka nginak diau jelas. Mbak kini aku keruan lum sempernau. Nanti aku keruan diau sempernau, luak aku la dikeruani Allah.

1 KURINTUS 15:49

Mbak kini kitau semegi ngan Adam diau asalau jak di tana, luak itu nanti kitau ka semegi pulau ngan diau jak di sergau.

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

GALATIA 3:26

Gegalau kamu la percayau ngan Yesus Keristus, mangku kamu la seghundak ngan Diau ngan njadi anak-anak Allah.

GALATIA 4:6

Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

PILIPI 3:21

Badan kitauni diau litak ngan pacak mati ka diuba Keristus njadi luak badanAu diau agungtu. Diau ka ngerjauka titu, karnau Diau adau kuasau endak nunduakka gegalaunyau.

KULUSI 3:4

Idup diau ngenianau itu idup seghundak ngan Keristus. Mangku amun Keristus datang nanti, kamu ka adau ngan Diau dalam keagunganNyau.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

2 PITRUS 1:4

Ngan carau luak itula kitau la nerimau janji diau iluak ngan beregau diau la dijanjikaNyau, mangku kamu pacak bibas jak di serilau diau ja'at diau mbenasauka deniau, mangku kamu ngikut meghasauka sipat Allah.

1 YUHANIS 2:28

Mangku, ui anak-buaku, majula seghundak ngan Keristus, mangku amun Diau datang nanti, kitau nidau takut ngadap Diau ngan nidau nanti nyemuni karnau maluan.

1 YUHANIS 2:7

Kantin-kantinku diau kusayangi. Diau kutulis itu ukan perinta diau empai, tapitu perinta diau lamau diau la dikiciakka ngan kamu jak di senitu. Perinta itu katau Allah diau la kamu dengagh.

1 YUHANIS 3:1

Keruanila, Allah sayang nian ngan kitau, mangku kitau dikiciakka anak-anak Allah. Nyela, kitau anak Allah. Itula sebapau deniau nidau keruan kitau, karnau diau nidau keruan Allah.

1 YUHANIS 3:10

Inila tandaunyau anak Allah ngan anak Iblis: Jemau diau nidau ngerjauka kendak Allah diau ukan anak Allah. Luak itu pulau jemau diau nidau nyayangi jemau lain.

1 YUHANIS 3:21

Mangku, kantin-kantinku diau kusayangi, amun ati kitau nidau nyalaka kitau, mangku kitau beghani ngadap Allah.

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

PENGINA'AN 2:28

Mangku jemautu ka Kuenjuakka bintang timur.

PENGINA'AN 22:4

ngan nginak dayiAu. Mangku namauNyau ka ditulis di kening ughangtu.