1 YUHANIS 2:8 - PEJANJIAN EMPAI CERITAU ILUAK

⁸ Anyautu perinta diau empai kutulis pulau ngan kamu, diau la dinyatauka benagh ngan Keristus ngan kamu pulau, karnau keleman laka lengit ngan terang diau benagh mulai besinagh.

1 YUHANIS 2:8 ပူးပေါင်းရင်းမြစ်များ

MATIUS 4:16

Jemau diau idup di keleman la nginak terang diau besinagh. Ngan jemau diau idup di nenggeri maut la tumbua sinagh terang.”

LUKAS 1:79

Luak itula Diau endak ngenjuak terang ngan jemau diau idup dalam keleman ngan takut ka mati. Diau endak mbimbing kitau ke jalan damai.”

YUHANIS 1:9

Terang diau sebenaghautu datang ke deniau nerangi gegalau manusiau.

YUHANIS 12:35

Katau Yesus agi ngan ughangtu, “Nidau ka lamau agi terang adau guak kapu dighi. Bejalanla empungan terang gi adau di kamu, mangku kapu dighi nidau bejalan di keleman. Jemau diau bejalan di keleman nidau keruan ke manau diau pegi.

YUHANIS 12:46

Akuni datang ke deniau ini umpamau terang, mangku bilang jemau diau percayau ngan Aku jangan maju mendam di keleman.

YUHANIS 13:34

Aku ngiciakka perinta empai ngan kamu: Kamu sangi sayangila sughang ngan diau lain. Aku la nyayangi kamu. Luak itula pulau kamu mesti sangi sayangi.

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 13:12

Malam laka lalu. Aghi laka siang. Karnau itu mela kitau mandakka kerjau ja'at diau dikerjauka di keleman. Kitau mesti ngenauka pakaian terang.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

IPISUS 5:8

Nyela, senitu kamu idup bekeleman. Mbak kini kamu adau di terang, karnau la njadi umat Tuhan. Karnau itu kamu mesti idup dalam terang.

2 TIMUTIUS 1:10

Mbak kini Allah nyatauka keilu'anNyautu ngan kitau, karnau Penyelamat kitau Yesus Keristus la datang. Yesustu la ngalaka kuasau maut ngan ngenjuakka idup selelamaunyau, amun kitau percayau ngan ceritau iluak.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 YUHANIS 3:23

Ini diau diperintaka Allah: Kitau mesti percayau ngan Ana'Au Yesus Keristus. Kitau pulau mesti sangi sayangi, luak la diajung Keristus.

1 YUHANIS 4:11

Kantin-kantinku, amun Allah nyayangi kitau luak itu, mangku kitau pulau mesti sangi sayangi.

1 YUHANIS 4:21

Mangku perinta inila dienjuakka Tuhan ngan kitau: Jemau diau nyayangi Allah, mesti nyayangi kantinau pulau.