1 TIMUTIUS 6:16 - PEJANJIAN EMPAI CERITAU ILUAK

¹⁶ Diau sughang diau nidau pacak mati. Diau adau di terang diau besinagh nian diau nidau pacak dipasighi jemau. Sughang kia nidau kekela nginak Diau ngan nidau pacak ngina'Au. Diaula diregaui, kuasauNyau selelamaunyau! Amin.

1 TIMUTIUS 6:16 ပူးပေါင်းရင်းမြစ်များ

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

YUHANIS 14:9

Katau Yesus, “Ui, Pilipus, Aku la lamau ngan kamu, mangku kaba lum kila keruan Aku? Jemau diau nginak Aku la nginak Bapak. Ngapau kaba ngiciakka: Ancakka Bapaktu ngan kami?

YUHANIS 6:46

Aku nidau ngatauka, adau jemau diau la nginak Bapak lain jak di jemau diau datang jak di Allah. Diautu la nginak Bapak.

YUHANIS 8:58

Yesus nimbal, katauNyau, “KatauKu ini benagh: Antak ka Abraham adau, Aku la adau.”

IPISUS 3:21

Allah mesti maju diagungka jemau Keristen karnau Yesus Keristus. Tepujila Allah enggut selelamaunyau. Nyela nian. Amin.

PILIPI 4:20

Tepujila Allah Bapak kitau selelamaunyau. Amin!

KULUSI 1:15

Keristus itu gambaran diau nyatau jak di Allah diau nidau kina'an. Diau anak tuau, pentingla Diau sangkan gegalaunyau diau dijadika.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

IBRANI 13:8

Yesus Keristus nidau beghuba, empuak senitu empuak mbak kini enggut selelamaunyau.

YAKUBUS 1:17

Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

1 YUHANIS 1:5

Mangku inila ceritau diau la kami dengagh jak di Ana'Au diau pulau kami kiciakka ngan kamu, “Allah itu terang. Di Diau nidau bediau kelemanau.”

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

1 YUHANIS 4:12

Nidau bediau sughang kiala diau kekela nginak Allah. Anyautu amun kitau sangi sayangi, Allah maju seghundak ngan kitau, mangku kitau pacak nyayangi nian.

YUDAS 1:25

Diautula Allah ngan Rajau Penyelamat kitau karnau Yesus Keristus, Tuhan kitau. Diautu Allah diau agung, bekuasau ngan diregaui jak di senitu enggut mbak kini ngan selelamaunyau. Amin.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 1:8

“Akunila diau dulu sekali ngan mendian sekali,” katau Tuhan Allah diau Mahakuasau, diau adau jak di senitu enggut mbak kini ngan maju ka adau.

PENGINA'AN 21:3

Mangku aku ndengagh suarau bias jak di kerusi rajautu, kataunyau, “Mbak kini bada Allah di guak manusiau, mangku Diau ka seghundak ngan ughangtu. Ughangtu ka njadi umatAu, mangku Diau ka njadi Allah ughangtu.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.

PENGINA'AN 4:11

“Ui Tuhan, Allah kami! Dighi ajau diau pantas dipuji ngan diregaui ngan bekuasau, karnau Dighi la njadika gegalaunyau. Karnau kendak Dighila gegalaunyau adau mangku idup.”

PENGINA'AN 7:12

kataunyau, “Amin! Tepujila Allah diau agung ngan bepengertian. Diau pantas dipuji ngan diregaui. Diautu bekuasau ngan kuat selelamaunyau. Amin!”