1 TIMUTIUS 6:14 - PEJANJIAN EMPAI CERITAU ILUAK

¹⁴ ta'atila gegalau perinta itu ngan beresia ngan nidau becelakau, enggut Tuhan kitau Yesus Keristus dinyatauka,

1 TIMUTIUS 6:14 ပူးပေါင်းရင်းမြစ်များ

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

IPISUS 5:27

Ngan carau luak itu ughangtu pacak ngadap Diau ngan beresia ngan alap, nidau bediau cacat ngan celakau ngan tuapau kila diau karut.

PILIPI 1:10

Mangku kamu pacak milia diau iluak sekali, mangku idup kamu ka beresia ngan nidau becacat ngan nidau bediau buru'an tuapau kila, amun Keristus datang nanti.

PILIPI 1:6

Allah la mulai ngerjauka diau iluak di ati kamu. Mangku aku percayau nian, Diau ka neruska kerjauNyau diau iluaktu enggut udim, masau Yesus Keristus datang.

PILIPI 2:15

Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

KULUSI 1:22

Mbak kini kamu la seilu'an ngan Diau karnau Ana'Au mati. Ngan carau itu kamu pacak dibatak ngadap Allah ngan ati beresia, nidau bediau sala ngan nidau becelakau.

KULUSI 4:17

Kiciakka ngan Arkipus, bansau diau mesti ngudimka kerjau diau diajung ngan diau batan endak Tuhan.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 2:1

Ceritau Tuhan kitau Yesus Keristus datang ngan ceritau kitau ditunggalka ngan Diau, inila diau kami ajungka nian ngan kamu:

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 1:19

tapitu dagha Keristus itula diau besak nian regaunyau. Diautu njadi luak anak bebiri diau nidau bediau cacat ngan nidau bediau salahau diau dikerbanka ngan Allah.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

2 PITRUS 2:21

Iluakla jemau itu, amun nidau kekela keruan jalan diau benagh sangkan ngeruaninyau ngan nidau nuruti perinta Allah diau dienjuakka ngan diau.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

2 PITRUS 3:2

Aku endak, supayau kamu ngingatka kici'an diau la senitu dikiciakka nabi-nabi Allah ngan perinta Tuhan, Rajau Penyelamattu, diau la dikiciakka rasul-rasul ngan kamu.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!