1 TIMUTIUS 6:11 - PEJANJIAN EMPAI CERITAU ILUAK

¹¹ Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

1 TIMUTIUS 6:11 ပူးပေါင်းရင်းမြစ်များ

RUM 14:19

Itula sebapau kitau mesti beusaha, supayau idup suijauan ngan sangi teguaka.

1 KURINTUS 10:14

Itula sebapau, kamu mesti njawuhi diwau.

1 KURINTUS 14:1

Beusahala kamu nyayangi jemau. Beusahala pulau nerimau kuasau jak di Rua Allah. Diau penting supayau pacak ngiciakka katau Allah.

1 KURINTUS 6:18

Jawuhila kerjau diau ja'attu! Gegalau dusau lain diau dikerjauka jemau di luagh badan. Anyautu jemau diau ngerjauka kerjau ja'at ndusaui badanau sendighi.

1 TIMUTIUS 1:14

Anyautu aku dienju'i Tuhan keilu'an banyak kematila, mangku aku pacak percayau ngan nyayangi Yesus Keristus, karnau seghundak ngan Diau.

1 TIMUTIUS 4:12

Jangan sughang kia nidau meregaui kaba, karnau kaba gi mudau. Anyautu jadila penauan batan endak jemau percayau ngan kici'an kaba, perembak kaba, sayang kaba, percayau kaba, ngan keberesian idup kaba.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

2 TIMUTIUS 2:21

Jemau diau mberesiaka diriau jak di kerjau diau ja'at njadi luak dandanan diau alap. Diau ka pantas digunauka tuanau batan endak gegalau kerjau diau penting.

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

2 TIMUTIUS 3:10

Anyautu kabatu la ngikuti ajaghanku, carau ngan tujuan idupku. Kaba la nginak carau aku percayau ngan nyayangi jemau. Kaba pulau keruan aku ngaligh ngan tekun.

2 TIMUTIUS 3:17

Mangku bilang jemau Keristen didandani batan endak gegalau kerjau diau iluak.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

1 PITRUS 3:11

Jemautu mesti njawuhi setu diau ja'at ngan ngerjauka setu diau iluak. Jemautu mesti beusaha nian endak idup ngan damai.