1 TIMUTIUS 5:10 - PEJANJIAN EMPAI CERITAU ILUAK

¹⁰ Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

1 TIMUTIUS 5:10 ပူးပေါင်းရင်းမြစ်များ

MATIUS 25:17

Luak itu pulau anak-bua diau nerimau duau ribu tanci emas tadi bulia untungau duau ribu agi.

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

LUKAS 7:38

Diau betegak pasigh keting Yesus ngan nangis sampai mbasuhi ketingAu ngan ayiak mataunyau, digusurinyau ngan gumba'au, mangku diciuminyau ngan diminyak-ghuminyau.

LUKAS 7:44

Mangku Yesus ngina'i tinau tadi sampai ngiciak ngan Simun, “Kaba nginak tinau ini? Aku datang ke ghuma kaba, kaba nidau nyediauka ayiak batan endak mbasua ketingKu. Tinau ini mbasuhi ketingKu ngan ayiak mataunyau, digusurinyau ngan gumba'au.

RASUL 10:22

Ughangtu nimbal, “Kurnilius diau ngepala'i seratus tentera ngajung kami ke sini. Diautu jemau iluak ngan takut ngan Allah, lagi pulau diregaui nian ngan jemau Yahudi. Dalam pengina'an diau nginak sughang malaikat Allah ngajung diau pegi njenguak dighi, supayau dighi datang ke ghumahau, mangku diau pacak ndengaghka setu diau ka dighi ceritauka.”

RASUL 22:12

Di situ adau sughang benamau Ananias. Diautu alim, ta'at ngan ukum Taurat, lagi diregaui jemau Yahudi di Damsik.

RASUL 6:3

Jadi, kapu dighi piliala tujua ughang jak di kapu dighi diau iluak ngan dikuasaui Rua Allah lagi bepengertian, mangku kami njadika ughangtu pengurus makanan tadi.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

RASUL 9:39

Pitrus bedandan mangku pegi serempak ngan ughang duautu. La sampai di situ, diau dibata'i ke biliak bada mayat tadi. Gegalau randau di situ ngelilingi diau sampai nangis, diancakka ngan diau baju-baju diau dijayit Durkas tadi, masau gi idup.

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

1 TIMUTIUS 2:10

Jemau tinau mesti ndandani diriau ngan perembak diau iluak, diau pantas ngan jemau tinau diau endak ta'at ngan Allah.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

1 TIMUTIUS 3:7

Diau mesti pulau diregaui jemau, mangku diau nidau njadi kici'an jemau ngan dikalaka iblis.

1 TIMUTIUS 5:16

Amun adau jemau percayau diau adau denga-sana'au diau la randau, diau mesti nulung randau itu. Jangan enangka jemau Keristen lain nanggungka diautu. Ngan carau luak itu randau diau nidau bediau jemau pacak ditulung nian.

1 TIMUTIUS 5:25

Luak itu pulau kerjau diau iluak cepat kina'an, mangku diau nidau mura kina'an nidau pulau pacak maju tebuni.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

2 TIMUTIUS 1:5

Karnau aku teghingat kaba percayau nian ngan Keristus semegi luak niniak kaba Luis ngan mak kaba Iuniki, mangku aku yakin kaba percayau pulau luak itu.

2 TIMUTIUS 2:21

Jemau diau mberesiaka diriau jak di kerjau diau ja'at njadi luak dandanan diau alap. Diau ka pantas digunauka tuanau batan endak gegalau kerjau diau penting.

2 TIMUTIUS 3:15

Ingatkala, bansau jak di keciak kaba la keruan Injil. Injiltu pacak ngenjuakka ngan kaba pengertian endak ngajaghka jalan selamat, amun percayau ngan Yesus Keristus.

2 TIMUTIUS 3:17

Mangku bilang jemau Keristen didandani batan endak gegalau kerjau diau iluak.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

TITUS 3:1

Ingatkala jemau Keristen, supayau tunduak ngan pemerinta ngan jemau diau bekuasau. Ughangtu mesti ta'at ngan sukau ngerjauka gegalaunyau diau iluak.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

IBRANI 10:24

Mela kitau sangi peratika, mangku kitau sangi ingatka endak ngerjauka diau iluak ngan sangi sayangi.

IBRANI 13:2

Terimaula di ghuma kamu jemau diau lum kecinauan ngan kamu, karnau ngan kerjau luak itu adau jemau nidau keruan la njamu malaikat.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 4:9

Sangi terimaula kamu di ghuma sesughangan ngan nidau bemumut.

3 YUHANIS 1:12

Bilang ughang muji Dimetrius. Karnau kerjaunyau diau benaghtu diau dipuji. Kami pulau muji diau. Mangku kaba keruan, bansau kici'an kamini pacak dipercayaui.