1 TIMUTIUS 4:7 - PEJANJIAN EMPAI CERITAU ILUAK

⁷ Jawuhila ceritau mbu'ung niniak-niniak diau nidau begatitu. Belajaghla idup luak jemau Keristen diau iluak.

1 TIMUTIUS 4:7 ပူးပေါင်းရင်းမြစ်များ

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

1 TIMUTIUS 1:4

Tegughi ughangtu, supayau jangan agi galak ndengagh ceritau mbu'ung ngan ceritau niniak puyang senitu. Gegalaunyautu cuman mbuat jemau bebala, ukan majuka rencanau Allah diau cuman pacak dikeruani amun percayau.

1 TIMUTIUS 1:9

Ingatla, bansau ukumtu dibuat ukan batan endak jemau diau benagh, tapitu batan endak pelanggar ukum, penja'at, jemau diau nidau keruan Tuhan, jemau bedusau, jemau diau idup nurut carau deniau, jemau nidau ta'at ngan nidau buagamau, pembunua pejadiau ngan pembunua lainau,

1 TIMUTIUS 2:10

Jemau tinau mesti ndandani diriau ngan perembak diau iluak, diau pantas ngan jemau tinau diau endak ta'at ngan Allah.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 TIMUTIUS 4:8

Melatia badan gi dikit gunaunyau. Melatia rua banyak gunaunyau, karnau adau janji batan endak idup mbak kini ngan idup nanti.

1 TIMUTIUS 6:11

Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

1 TIMUTIUS 6:3

Amun adau jemau diau ngajaghka ajaghan diau lain ngan nidau tetuju ngan ajaghan diau benagh jak di Tuhan kitau Yesus Keristus ngan nidau pulau tetuju ngan ajaghan agamau kitau,

1 TIMUTIUS 6:5

becelikaian diau nidau udim-udim. Rupu'an ughangtu la buntu, nidau agi benagh. Ughangtu sangkau pacak kayau jak di agamau.

2 TIMUTIUS 2:16

Jawuhila kici'an mbu'ung diau nidau begunau. Kici'an luak itu cuman mbuat jemau tamba ja'at.

2 TIMUTIUS 2:23

Jangan ngikut bebala ngan jemau bigal mbalaka setu diau nidau begunau. Kaba keruan, gegalaunyautu cuman mbuat jemau belagau.

2 TIMUTIUS 3:12

Nyela, bilang jemau diau endak idup ta'at ngan Allah ngan idup seghundak ngan Yesus Keristus ka dianiayau.

2 TIMUTIUS 3:5

Ughangtu nuruti kewajiban agamau, anyautu nidau endak keruan kuasaunyau. Jawuhila jemau luak itu.

2 TIMUTIUS 4:4

Ughangtu enggup ndengagh ceritau diau benagh, tapitu endak ndengagh ceritau mbu'ung.

TITUS 1:14

Mangku ughangtu nidau agi nuruti ceritau mbu'ung jemau Yahudi ngan peraturan diau dibuat manusiau diau nyimpang jak di ajaghan diau benagh.

TITUS 2:12

Keilu'antu ngajagh kitau, supayau kitau nidau agi idup belawanan ngan Allah ngan nidau agi nuruti serilau deniau. Kitau diajagh, supayau kitau idup di deniau ini na'an diri, jujur ngan takut ngan Allah.

TITUS 3:9

Jawuhila balahan diau nidau begunau diau bigal, ceritau niniak puyang, becelikaian ngan balahan ceritau ukum Taurat. Gegalaunyautu nidau bediau gunaunyau ngan nidau bediau untungau.

IBRANI 5:14

Makanan keghas batan endak jemau besak. Mangku karnau diau la belajagh, diau pacak mbidaka manau diau iluak ngan manau diau ja'at.