1 TIMUTIUS 4:13 - PEJANJIAN EMPAI CERITAU ILUAK

¹³ Penarau ini enggut aku datang, kaba mesti maju mbacau Injil nian ngan ngajagh ngan neguaka jemau.

1 TIMUTIUS 4:13 ပူးပေါင်းရင်းမြစ်များ

YUHANIS 5:39

Kapu dighi melajaghi Kitab Injil, sangkauan kapu dighi carau inila bulia idup empai selelamaunyau. Injiltu nceritauka Aku,

RASUL 17:11

Jemau Yahudi di kuta itu nerimau nian kici'an Paulus, ukan luak jemau Tesalunika. Ngan riang ughangtu ndengaghka ceritau Yesus. Idang aghi ughangtu melajaghi nian Injil endak ngeruani, apu gegalaunyau nyela luak itu.

RASUL 6:4

Mangku tugas kamini bedu'a ngan nceritauka katau Allah.”

RUM 12:8

Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

1 KURINTUS 14:3

Anyautu jemau diau ngiciakka katau Allah ngan manusiau, jemautu nulungi ngan neguaka ngan ngenjuakka semangai.

1 KURINTUS 14:6

Amun aku datang guak kamu ngan ngiciak basau rua, tuapau gunaunyau ngan kamu? Dikit kia nidau begunau, lain amun aku ngiciakka pengina'an jak di Allah ngan nerangka setu ceritau Allah, ngiciakka rencanau Allah ngan ngajagh.

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

1 TIMUTIUS 4:6

Amun kaba ngajaghka gegalaunyautu ngan kantin-kantin kitau diau percayau, kaba ka njadi budak Yesus Keristus diau bekerjau ngan iluak. Kaba mesti maju neguaka ati kaba ngan katau Allah diau kitau percayaui ngan ajaghan diau benagh diau kaba turuti selamau ini.

2 TIMUTIUS 3:15

Ingatkala, bansau jak di keciak kaba la keruan Injil. Injiltu pacak ngenjuakka ngan kaba pengertian endak ngajaghka jalan selamat, amun percayau ngan Yesus Keristus.

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.

TITUS 2:15

Kiciakkala gegalaunyautu, ajaghla ngan tegughila ngan kuasau jemau diau ndengaghka kaba. Jangan enangka sughang kia nganggap kaba nidau bereti.