1 TIMUTIUS 4:10 - PEJANJIAN EMPAI CERITAU ILUAK

¹⁰ Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

1 TIMUTIUS 4:10 ပူးပေါင်းရင်းမြစ်များ

MATIUS 16:16

Simun Pitrus nimbal, “Dighila Almasih, Rajau Penyelamat, Anak Allah diau idup.”

MATIUS 27:43

Diau ngaghapka Allah ngan bekatau, bansau Diau Anak Allah. Mela kitau nginak, apu Allah endak nyelamatka Diau mbak kini.”

YUHANIS 1:29

Pagi di aghiau Yuhanis nginak Yesus datang njenguak diau, mangku Yuhanis bekatau, “Kina'ila, itu Anak Bebiri diau disediauka Allah endak ngabiska dusau deniau.

YUHANIS 4:42

Ughangtu ngiciak ngan tinautu, kataunyau: “Mbak kini kami percayau, ukanau karnau kici'an kaba ajau, anyautu karnau kami la ndengagh ngan la keruan, Diau inila nian Penyelamat deniau.”

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

1 KURINTUS 15:10

Anyautu karnau keilu'an Allah aku njadi luak aku mbak kini. Mangku nidau rugi Allah iluak ngan aku. Aku la bekerjau mati-matian nian jak di gegalau ughangtu. Sebenaghau ukan aku diau ngerjauka titu, tapitu Allah diau nyayangi ngan nulungi aku.

2 KURINTUS 1:10

Diautu la nyelamatka kami jak di bayau maut diau nakutka. Diau pulau ka nyelamatka kami nanti, karnau Diau itula kami aghapka.

1 TIMUTIUS 2:3

Itula diau iluak ngan melemakka ati Allah, Penyelamat kitau.

1 TIMUTIUS 2:4

Diau endak, supayau gegalau jemau ngeruani diau benagh ngan diselamatka.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

1 TIMUTIUS 3:15

Mangku amun aku lambat sampai, kaba la keruan, luak manau kitau anak-anak Allah mesti idup. Kitauni anak Allah diau idup diau njadi tiang penegak, njadi pelapiak ajaghan diau benagh jak di Allah.

1 TIMUTIUS 6:17

Ingatkala jemau kayau di deniau ini, supayau jangan geduak ngan jangan ngandalka retau bendau diau nidau ka lamau. Ughangtu mesti ngaghapka Allah diau ngenjuakka gegalaunyau banyak kematila, supayau kitau riang nggunaukanyau.

IBRANI 11:26

Musa nganggap beregaula digelakka karnau Rajau Penyelamat diau dijanjika Allahtu sangkan bulia gegalau retau Mesir, karnau diau ngaghapka upa nanti.

IBRANI 13:13

Karnau itu mela kitau pegi njenguak Diau di luagh kuta ngikut meghasauka tanggunganNyautu.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.