1 TIMUTIUS 3:3 - PEJANJIAN EMPAI CERITAU ILUAK

³ Jangan diau tukang mabu'an, jangan galak belagau, anyautu diau mesti ngaligh ngan galak bedamai. Jangan jemau diau tetancian.

1 TIMUTIUS 3:3 ပူးပေါင်းရင်းမြစ်များ

MATIUS 21:13

mangku dikiciakkaNyau ngan ughangtu, “Di Injil Allah bekatau, ‘GhumaKu ghuma du'a.’ Anyautu kamu njadikanyau saghang bandit.”

RASUL 20:33

Nidau kekela aku endak pirak ngan emas ngan baju jak di jemau.

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

IPISUS 5:18

Jangan kamu mabuak anggur, karnau anggur merusakka kamu. Anyautu kamu mesti dikuasaui Rua Allah.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

1 TIMUTIUS 3:8

Jemau diau endak nulung kerjau Tuhan mesti pulau jemau diau iluak ngan jujur. Jangan jemautu tukang minum anggur ngan jemau tetancian.

2 TIMUTIUS 3:2

Manusiau ka merupuakka diriau ajau ngan tetancian, ka geduak ngan langguak, galak nggelakka jemau, melawan pejadi, nidau terti beterimau-kasia, nidau buagamau,

TITUS 1:11

Jemau diau luak itu mesti ditukup mulutau, karnau ughangtu ngacauka banyak ghuma-tanggau ngan ngajaghka diau nidau-nidau endak bulia untung diau nidau pantas.

TITUS 1:7

Pengulu jemau Keristen jemau diau ngerjauka kerjau Allah, mangku diau nidau bulia besala, geduak, pemara, memabu'an, galak belagau, ngan tetancian.

TITUS 2:3

Luak itu pulau jemau tinau diau tuau mesti idup ngan carau diau pantas ngan jemau diau percayau ngan Allah. Jangan ughangtu ngupatka jemau ngan jangan memabu'an. Ughangtu mesti ngajaghka setu diau iluak.

TITUS 3:2

Kiciakka ngan ughangtu, supayau jangan ngupatka jemau ngan jangan belagau, tapitu supayau maju ngaligh ngan iluak ngan sukau bedamai ngan gegalau jemau.

IBRANI 13:5

Jangan kamu tetancian, tapitu cukupkala ngan setu diau adau di kamu, karnau Allah la bekiciak, “Aku nidau ka ngenangka ngan ninggalka kaba.”

YAKUBUS 4:1

Jak di manau asalau gegalau belagau ngan bebala? Apu ukan asalau jak di serilau kamu diau maju bekerjau di kamu?

1 PITRUS 5:2

supayau kamu nyayia jemau Keristen diau di kamu luak rumbungan bebiri diau diseraka Allah ngan kamu. Sayiala ughangtu ngan riang, luak dikenda'i Allah. Jangan bemumut, jangan pulau karnau ndalak untung, tapitu karnau endak nian bekerjau batan endak Allah.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.

YUDAS 1:11

Ughangtu celakau! Ughangtu ngikuti jalan Kain. Ughangtu endak tanci, mangku ncelakauka diriau ngan sesat luak Biliam. Ughangtu ka benasau karnau melawan luak Kura.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.