1 TIMUTIUS 3:15 - PEJANJIAN EMPAI CERITAU ILUAK

¹⁵ Mangku amun aku lambat sampai, kaba la keruan, luak manau kitau anak-anak Allah mesti idup. Kitauni anak Allah diau idup diau njadi tiang penegak, njadi pelapiak ajaghan diau benagh jak di Allah.

1 TIMUTIUS 3:15 ပူးပေါင်းရင်းမြစ်များ

MATIUS 16:16

Simun Pitrus nimbal, “Dighila Almasih, Rajau Penyelamat, Anak Allah diau idup.”

MATIUS 18:18

Keruanila, setu diau kamu larang di deniau ini ka dilarang pulau di sergau. Mangku setu diau kamu benaghka di deniau ka dibenaghka pulau di sergau.

YUHANIS 1:17

Allah ngenjuakka ukum Taurat ngan Musa, anyautu keilu'anNyau ngan kebenaghanNyau diancakkaNyau di Yesus Keristus.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

YUHANIS 18:37

Mangku Pilatus betanyau agi ngan Diau, “Amun luak itu, Kaba rajau?” Timbal Yesus, “Nyela, katau dighi Akunila rajau. Aku lahir ngan datang ke deniau ini batan endak ngiciakka diau benagh. Bilang jemau diau asalau jak di diau benagh ndengaghka kici'anKu.”

YUHANIS 6:69

Kami la percayau ngan la keruan, Dighitula ajungan Allah diau suci.”

RASUL 1:2

enggut aghi Diau tuangkat ke sergau. Antak ka Diau tuangkat, ngan kuasau Rua Allah Diau ngajung rasul-rasul diau la dipilia itu.

RASUL 14:15

“Ui, kapu dighi. Ngapau kapu dighi ngerjauka ini? Kamini pulau manusiau luak kapu dighi. Kami ke sini endak ngiciakka ceritau iluak ngan kapu dighi, supayau kapu dighi ninggalka kerjau diau nidau begunau ini, mangku datang njenguak Allah diau idup, diau njadika langit ngan deniau, laut ngan gegalau isiau.

RUM 3:2

Banyak nian! Terutamau jemau Yahudi nerimau katau Allah.

RUM 9:26

Mangku, “Di bada jemau dikiciakka, ‘ukan umatKu’, di situ ughangtu ka dikiciakka ‘anak Allah diau idup’.”

1 KURINTUS 10:32

Jangan nyinggung peghasauan jemau, empuak jemau Yahudi empuak jemau Yunani empuak jemau percayau.

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

2 KURINTUS 3:3

Mangku la nyatau, bansau kamu surat Keristus diau ditulis karnau kerjau kami. Surat itu ukan ditulis ngan dawat, tapitu ngan Rua Allah diau idup, ukan ditulis di batu, tapitu di ati manusiau.

2 KURINTUS 6:16

Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

GALATIA 2:9

Yakubus, Pitrus ngan Yuhanis diau njadi pengulu jemau Keristen ngaku'i, bansau aku la ditugaska luak itu. Mangku ughangtu bejabat tangan ngan aku ngan Barnabas njadi tandau tetuju, bansau kami pegi endak bekerjau di guak jemau ukan Yahudi, ngan ughangtu pegi bekerjau di guak jemau Yahudi.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

IPISUS 4:21

Kamu la ndengagh ceritau Diau. Kamu la njadi anak-buaHau, la diajagh ceritau sipat Allah diau adau di Diau.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

1 TESALUNIKA 1:9

Gegalau ughangtu ngiciakka ceritau kamu nerimau kami senitu, masau kami datang guak kamu. Ughangtu ngiciakka ceritau kamu ninggalka diwau mangku njenguak Allah diau idup ngan benagh endak nuruti ngan nyemba Diau.

1 TIMUTIUS 3:14

Aku ngaghap nidau lamau agi aku berayak ngan kaba. Empuak luak itu aku pulau nulis surat ini ngan kaba.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

1 TIMUTIUS 3:5

Amun jemau nidau pacak ngurus ghuma-tanggaunyau, luak manau diau pacak ngurus Ghuma Allah?

1 TIMUTIUS 4:10

Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

1 TIMUTIUS 6:16

Diau sughang diau nidau pacak mati. Diau adau di terang diau besinagh nian diau nidau pacak dipasighi jemau. Sughang kia nidau kekela nginak Diau ngan nidau pacak ngina'Au. Diaula diregaui, kuasauNyau selelamaunyau! Amin.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

2 TIMUTIUS 2:20

Di ghuma diau besak adau bemecam-mecam dandanan. Adau diau dibuat jak di emas ngan pirak, adau pulau diau dibuat jak di kayu ngan tana. Diau ini digunauka batan endak kerjau idang aghi. Diau tadi digunauka batan endak tujuan diau penting.

IBRANI 10:21

Mangku kitau adau imam diau agung diau njadi kepalak Ghuma Allah.

IBRANI 12:22

Anyautu diau kamu adapitu bukit Siun ngan kuta Allah diau ngenjuakka idup, Yerusalim di sergau ngan beribu-ribu malaikatau.

IBRANI 3:12

Kantin-kantinku, sepepadaula, supayau di guak kamu jangan adau sughang kiala diau mbuat ja'at ngan nidau percayau mangku ngelipat ninggalka Allah diau idup.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

1 PITRUS 4:17

La sampai masaunyau Allah ngadili deniau. Umat Allah itula diau dulu sekali diadili. Amun kitau dulu diadili, luak manau jadiau nanti ngan jemau diau nidau percayau ngan ceritau iluak jak di Allah itu?

PENGINA'AN 7:2

Mangku aku nginak sughang malaikat lainau datang jak di sebela matau-aghi idup. Malaikattu mbatak tandau jak di Allah diau idup. Ngan suarau bias diau bekatau ngan empat malaikat tadi diau diajung merusakka deniau ngan laut.