1 TIMUTIUS 3:1 - PEJANJIAN EMPAI CERITAU ILUAK

¹ Nyela nian kici'an ini, “Jemau diau endak njadi pengulu jemau Keristen endak ngerjauka kerjau diau beregau.”

1 TIMUTIUS 3:1 ပူးပေါင်းရင်းမြစ်များ

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

RASUL 1:20

“Karnau di kitab Masmur ditulis luak ini, ‘Nengkela badahau njadi suni. Jangan sughang kia mendam di dalamau.’ Adau pulau ditulis luak ini, ‘Nengkela pangkatau diambiak jemau lain.’

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RUM 11:13

Mbak kini aku endak ngiciak ngan kamu, ui jemau diau ukan jemau Yahudi. Aku rasul batan endak jemau ukan jemau Yahudi, mangku riang nian ngan kerjaukuni.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.

PILIPI 1:1

Jak di aku, Paulus, ngan Timutius diau bekerjau batan endak Yesus Keristus. Kami nulis surat ini batan endak kamu diau njadi umat Allah diau adau di Pilipi karnau percayau ngan Yesus Keristus ngan pulau batan endak pengulu jemau Keristen ngan penulungau.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

1 TIMUTIUS 4:9

Kici'an itu benagh ngan pantas dipercayaui nian.

2 TIMUTIUS 2:11

Kici'an ini benagh nian, “Amun kitau mati ngan Diau, kitau ka idup pulau ngan Diau.

TITUS 1:7

Pengulu jemau Keristen jemau diau ngerjauka kerjau Allah, mangku diau nidau bulia besala, geduak, pemara, memabu'an, galak belagau, ngan tetancian.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

IBRANI 12:15

Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.

1 PITRUS 2:25

Senitu kamu luak bebiri diau sesat. Mbak kini kamu la ngulang ngikut tukang sayia diau njagaui jiwa kamu.

1 PITRUS 4:15

Jangan sughang kia jak di kamu nanggung karnau mbunua, maling, ja'at ngan ncampuri urusan jemau.

1 PITRUS 5:2

supayau kamu nyayia jemau Keristen diau di kamu luak rumbungan bebiri diau diseraka Allah ngan kamu. Sayiala ughangtu ngan riang, luak dikenda'i Allah. Jangan bemumut, jangan pulau karnau ndalak untung, tapitu karnau endak nian bekerjau batan endak Allah.