1 TIMUTIUS 1:16 - PEJANJIAN EMPAI CERITAU ILUAK

¹⁶ Anyautu Allah nyialka aku, mangku Yesus Keristus pacak nyatauka gegalau kengalighanNyau ngan aku, jemau diau paling bedusauni. Mangku aku njadi penauan batan endak jemau diau ka percayau nanti ngan bulia idup selelamaunyau.

1 TIMUTIUS 1:16 ပူးပေါင်းရင်းမြစ်များ

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

LUKAS 23:43

“Percayaula,” katau Yesus, “Saghini kaba ka adau ngan Aku di sergau.”

LUKAS 7:47

Keruanila, dusaunyau diau banyak itu la diabiska. Kitau keruan, karnau diau la banyak ngerjauka setu diau iluak. Anyautu jemau diau diabiska dikit dusaunyau, dikit pulau diau ngerjauka setu diau iluak.”

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 3:36

Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 6:37

Gegalau jemau diau dienjuakka Bapak ngan Aku ka datang njenguak Aku, mangku jemau diau njenguak Aku, cetau nidau ka Kutulak.

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

YUHANIS 6:54

Jemau diau makan dagingKu ngan minum daghaKu diautula bulia idup empai selelamaunyau, mangku Aku ka ngidupkanyau masau aghi kiamat.

RASUL 13:39

Karnau Diautu bilang jemau diau percayau pacak dilepaska jak di gegalau dusaunyau. Titu nidau pacak dikerjauka ukum Musa.

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

1 KURINTUS 7:25

Mbak kini ceritau jemau diau lum nika. Ceritau ughangtu nidau bediau perinta Tuhan. Anyautu karnau pengertian jak di Tuhan ngan aku, aku endak ngiciakka pendapatku diau pacak dipercayaui.

2 KURINTUS 4:1

Kami nerimau tugas itu, karnau Allah itu iluak. Karnau itu kami nidau tekedan.

IPISUS 1:12

Mangku kami diau dulu sekali ngaghapka Keristustu ngagungka Allah karnau Diau agung.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

2 TESALUNIKA 1:10

Gegalaunyautu ka tejadi, amun Diau datang nanti endak diagungka umatAu ngan diregaui bilang jemau diau percayau. Kamuni pulau ka temasuak umatAu, karnau kamu percayau ngan ceritau diau kami kiciakka ngan kamu.

1 TIMUTIUS 1:13

Empuak senitu aku madakka, nganiayau ngan nggelakka Diau, aku la disialkaNyau, karnau masau itu aku lum percayau, mangku nidau keruan setu diau kukerjaukatu.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

1 PITRUS 3:20

diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

2 PITRUS 3:9

Tuhan nidau lambat nepati janjiAu, empuak adau diau nganggap luak itu. Anyautu Diau ngaligh ngan kamu, karnau Diau endak, supayau jangan adau diau benasau. Diau endak, supayau gegalau jemau ngubai jak di dusaunyau.