1 TESALUNIKA 5:8 - PEJANJIAN EMPAI CERITAU ILUAK

⁸ Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

1 TESALUNIKA 5:8 ပူးပေါင်းရင်းမြစ်များ

1 KURINTUS 13:13

Mangku penarau ini adau tigau mecam diau mesti kitau kerjauka: percayau, ngaghapka ngan nyayangi jemau. Mangku diau penting sekali jak di tigau itu nyayangi jemau.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

IPISUS 6:11

Kenaukala gegalau pakaian diau dienjuakka Allah ngan kamu, mangku kamu pacak ta'an melawan tipuan iblis.

IPISUS 6:23

Aku bedu'a, supayau Allah Bapak ngan Tuhan kitau Yesus Keristus ngenjuakka damai ngan kamu gegalau jemau Keristen, ngan nulung kamu sangi sayangi ngan maju percayau.

1 TESALUNIKA 5:5

Karnau gegalau kamu idup di terang, kamu temasuak anak terang. Kitau ukan jemau diau idup dalam keleman ngan nidau temasuak anak keleman.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

IBRANI 6:19

Aghapan kitautu njadi pegangan diau kuat ngan aman batan endak idup kitau luak sauh, alat diau mendamka kapaltu. Aghapantu masuak enggut ke belakang tabir duaghau, ke dalam biliak diau Mahasuci di Ghuma Allah.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.