1 TESALUNIKA 5:6 - PEJANJIAN EMPAI CERITAU ILUAK

⁶ Itula sebapau kitau nidau bulia tiduak-tiduak ajau luak jemau lain. Kitau mesti sepepadau ngan maju siagau.

1 TESALUNIKA 5:6 ပူးပေါင်းရင်းမြစ်များ

MATIUS 13:25

Adau semalam jemau dang tiduak galau, musua datang ngamburka benia lalang di pugan padi tadi mangku pegi.

MATIUS 24:42

Sepepadaula, karnau kamu nidau keruan, kebilau Tuhan datang.

MATIUS 25:13

Mangku Yesus ngudimi ceritauNyau luak ini, “Karnau itu, kamu mesti bejagau-jagau, karnau kamu nidau keruan aghiau ngan masaunyau.”

MATIUS 25:5

Pengantinan itu lamau lum datang-datang, mangku gadistu tekantuak ngan tekelap.

MATIUS 26:38

Diau bekatau ngan ughang tigautu, “AtiKu madak nian, asaunyau luak ka mati. Mendamla kamu di sini, ngikut njagau ngan Aku.”

MARKUS 13:37

Setu diau Kukiciakka ngan kamu, Kukiciakka pulau ngan gegalau jemau: Sepepadaula!”

LUKAS 12:37

Alaka riangau anak-bua diau dang nunggu, masau tuanau sampai. Percayaula, tuanautu ka siap, ngajung anak-buahau itu duduak makan, mangku ditepi'inyau.

LUKAS 12:39

Ingatkala ini, amun tuan ghuma keruan, kebilau pemaling datang, diau ka nunggu ghumahau, mangku pemaling endiak masuak.

LUKAS 21:36

Sepepadaula ngan maju bedu'a, mangku kamu kuat ngadapi gegalaunyau diau ka tejaditu, mangku kamu pacak ngadap Anak Manusiau.”

LUKAS 22:46

Mangku Yesus ngiciak ngan ughangtu, katauNyau, “Ngapau kamu tiduak? Bangunla, bedu'ala, supayau kamu jangan bedusau, amun dicubaui.”

RASUL 20:31

Karnau itu, sepepadaula! Ingatkala, mbak bansau aku ngajagh kapu dighi siang malam selamau tigau taun ngan banyak ayiak matau.

1 KURINTUS 15:34

Mbak kini jagaula! Jangan maju ngerjauka dusau. Adau jak di kamu diau lum percayau nian ngan Allah. Titu maluka nian!

1 KURINTUS 16:13

Sepepadaula, percayaula ngan tegua, beghanikala diri kamu ngan maju kuat.

IPISUS 2:3

Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.

IPISUS 5:14

Itula sebapau la dikiciakka luak ini, “Bangunla, ui kaba diau tiduak, idupla jak di mati, mangku Keristus ka nerangi kaba.”

IPISUS 6:18

Kerjaukala gegalaunyautu sampai bedu'a mintak tulung ngan Allah. Di gegalau kerjau kamu bedu'ala luak Rua Allah mimpin kamu. Kamu mesti maju siagau ngan jangan nyera. Du'akala maju gegalau umat Allah.

PILIPI 4:5

Keilu'an kamu mesti dikeruani gegalau jemau. Tuhan la damping.

KULUSI 4:2

Bedu'ala maju ngan sepepadau penarau bedu'a ngan beterimau-kasia ngan Allah.

1 TESALUNIKA 4:13

Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

1 TESALUNIKA 5:8

Anyautu kitau ini anak terang. Karnau itu rupu'an kitau mesti terang. Kitau mesti maju percayau ngan Tuhan ngan nyayangi jemau, lagi ngaghapka Allah nyelamatka kitau. Itula pakaian diau njagaui kitau.

1 TIMUTIUS 2:15

Anyautu jemau tinau ka selamat, karnau diau melahirka anak, amun diau maju percayau ngan Keristus ngan nyayangi jemau ngan idup batan endak Allah.

1 TIMUTIUS 2:9

Luak itu pulau jemau tinau mesti ndandani diriau ngan carau biasau diau pantas. Jangan putungan gumbak nyelia, jangan makai periasan emas ngan mutiara, jangan makai baju diau besak regaunyau.

1 TIMUTIUS 3:11

Biniau pulau mesti jemau iluak. Jangan diau galak ngupatka jemau. Diau mesti nguasaui diriau ngan pacak dipercayaui ngan gegalaunyau.

1 TIMUTIUS 3:2

Karnau itu pengulu jemau Keristen mesti jemau diau nidau bediau salahau. Buntingau cuman sughang. Diau mesti nguasaui diriau, bepengertian, ngelapan, galak nerimau jemau di ghumahau, pacak ngajagh jemau.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.

TITUS 2:12

Keilu'antu ngajagh kitau, supayau kitau nidau agi idup belawanan ngan Allah ngan nidau agi nuruti serilau deniau. Kitau diajagh, supayau kitau idup di deniau ini na'an diri, jujur ngan takut ngan Allah.

TITUS 2:6

Luak itu pulau budak perjakau, tegughila ughangtu, supayau nguasaui diriau.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

1 PITRUS 4:7

Gegalaunyau laka bekesudiman. Karnau itu kamu mesti nguasaui diri kamu ngan sepepadau, supayau kamu pacak bedu'a.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

PENGINA'AN 16:15

“Kina'ila, aku datang luak pemaling. Riangla jemau diau maju siagau ngan maju meratika kain bajuau, mangku jangan bejalan telanjang ngan nidau maluan di mukau jemau.”

PENGINA'AN 3:2

Aku lum betemu sutiak kiala kerjau kaba diau sempernau di adapan Allah. Karnau itu bangunla, teguakala setu diau gi adau di kaba diau laka mati.