1 TESALUNIKA 5:20 - PEJANJIAN EMPAI CERITAU ILUAK

²⁰ Jangan nganggap enteng ceritau diau dienjuakka Rua Allah.

1 TESALUNIKA 5:20 ပူးပေါင်းရင်းမြစ်များ

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RASUL 19:6

Penarau Paulus nepiakka tanganau di palak ughangtu, ughangtu dikuasaui Rua Allah, mangku mulai ngiciak ngan basau Rua ngiciakka ceritau Allah.

1 KURINTUS 11:4

Amun jemau lanang diau dang bedu'a ngan ngiciakka katau Allah di adapan jemau banyak, mangku nudungi pala'au, jemautu nggelakka Keristus diau ngepala'inyau.

1 KURINTUS 12:10

Diau sughang dienjuakka kuasau ngadauka tandau nyelia, diau lain dienjuakka kuasau ngiciak luak sughang nabi. Adau diau dienjuakka kuasau mbidaka, manau diau Rua Allah manau diau ukan. Adau diau dienjuakka kuasau bekiciak basau rua. Adau pulau diau dienjuakka kuasau ngiciakka reti basau ruatu.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 13:2

Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

1 KURINTUS 13:9

Karnau kepintaran ngan ngiciakka katau Allah nidau sempernau.

1 KURINTUS 14:1

Beusahala kamu nyayangi jemau. Beusahala pulau nerimau kuasau jak di Rua Allah. Diau penting supayau pacak ngiciakka katau Allah.

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.