1 TESALUNIKA 5:15 - PEJANJIAN EMPAI CERITAU ILUAK

¹⁵ Jangan enangka jemau mbalas keja'atan ngan ja'at. Anyautu beusahala maju bebuat iluak sughang ngan diau lain ngan gegalau jemau.

1 TESALUNIKA 5:15 ပူးပေါင်းရင်းမြစ်များ

MATIUS 5:39

Anyautu mbak kini Aku bekatau ngan kamu: Jangan mbalas jemau diau bebuat ja'at ngan kamu. Amun jemau nampagh pelipisan kanan kamu, ngenjuakka pulau pelipisan kidau.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

RASUL 16:28

Anyautu Paulus tegauk, kataunyau, “Jangan bunua diri. Kami gi adau galau di sini!”

RUM 12:9

Jangan cak nyayangi. Luatka diau ja'at, kerjaukala diau iluak.

RUM 14:19

Itula sebapau kitau mesti beusaha, supayau idup suijauan ngan sangi teguaka.

1 KURINTUS 14:1

Beusahala kamu nyayangi jemau. Beusahala pulau nerimau kuasau jak di Rua Allah. Diau penting supayau pacak ngiciakka katau Allah.

1 KURINTUS 16:10

Amun Timutius datang, terimaula diau iluak-iluak, mangku diau riang guak kamu, karnau luak aku pulau diau bekerjau batan endak Tuhan.

1 KURINTUS 6:7

Adau pekarau di guak kamu, itu nyatauka kamu la kala. Iluakla kamu dibuati nidau adil ngan dirugika.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

IPISUS 5:15

Karnau itu kina'ila iluak-iluak carau idup kamu. Jangan idup luak jemau bigal. Idupla luak jemau diau bepengertian.

IPISUS 5:33

Luak manau kila gegalaunyautu ngenaui kamu pulau. Sayangila bini kamu luak diri kamu, mangku bini mesti meregaui lakiau.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

1 TESALUNIKA 5:21

Keruanila gegalaunyau, diau iluak mesti diikuti.

1 TIMUTIUS 6:11

Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

2 TIMUTIUS 2:24

Jemau diau bekerjau batan endak Tuhan nidau bulia bebala. Diau mesti iluak ngan gegalau jemau ngan pacak ngajagh jemau ngan ngaligh,

TITUS 3:2

Kiciakka ngan ughangtu, supayau jangan ngupatka jemau ngan jangan belagau, tapitu supayau maju ngaligh ngan iluak ngan sukau bedamai ngan gegalau jemau.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 2:17

Regauila gegalau jemau, sayangila kantin-kantin kamu diau percayau, takutla ngan Allah, regauila rajau!

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.

PENGINA'AN 22:9

Anyautu diautu ngiciak ngan aku, “Jangan kaba luak itu! Akuni budak semegi luak kaba ngan kantin-kantin kaba ngan nabi-nabi ngan gegalau jemau diau nuruti ceritau kitab ini. Sembala Allah!”