1 TESALUNIKA 5:13 - PEJANJIAN EMPAI CERITAU ILUAK

¹³ Kami ngajung, supayau kamu meregaui ngan nyayangi ughangtu nian karnau kerjau ughangtu. Idupla ngan damai sughang ngan diau lain.

1 TESALUNIKA 5:13 ပူးပေါင်းရင်းမြစ်များ

MATIUS 10:40

Jemau diau nerimau kamu nerimau Aku. Jemau diau nerimau Aku nerimau pulau diau ngajung Aku.

MARKUS 9:50

Gaghamtu iluak. Anyautu amun gagham nidau masin agi, apu pacak dimasinka? Kamu mesti njadi luak gagham. Idupla bedamai ngan gegalau jemau.”

YUHANIS 15:17

Inila perintaKu ngan kamu: Sangi sayangila kamu.”

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

GALATIA 4:14

Masau itu kamu nidau gheging ngan aku, empuak badanku luak itu mangku njadi cubauan batan endak kamu. Anyautu kamu nerimau aku luak nerimau malaikat Allah, luak nerimau Yesus Keristus itula.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 6:6

Jemau diau nerimau ajaghan ceritau Keristus semestiau mbagika ngan guruau gegalaunyau diau iluak diau adau di diau.

IPISUS 4:3

Usahakala nian idup bedamai, supayau kesatuan diau dienjuakka Rua Allah nidau beghuba.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

2 TESALUNIKA 3:16

Kami bedu'a, supayau Tuhan maju ngenjuakka damai ngan kamu, empuak luak manau ajau. Aku bedu'a, supayau Tuhan nyertaui gegalau kamu.

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

YAKUBUS 3:18

Nyela, keilu'an diasilka jak di damai jak di jemau diau galak damai.