1 TESALUNIKA 5:12 - PEJANJIAN EMPAI CERITAU ILUAK

¹² Kami ngajung kamu nian, kantin-kantinku, supayau kamu meregaui jemau diau bekerjau guak kamu, jemau diau la dipilia Tuhan njadi pengulu kamu ngan ngajaghi kamu.

1 TESALUNIKA 5:12 ပူးပေါင်းရင်းမြစ်များ

LUKAS 10:7

Mendamla di ghuma itu, makanla tuapau diau dienjuakka ngan kamu, karnau jemau diau bekerjau pantas nerimau upa. Jangan ngalia ghuma.

YUHANIS 4:38

Akuni ngajung kamu ngetam di umau diau nidau kamu kerjauka. Jemau lain ngerjaukanyau, mangku kamu datang ngetam asil kerjau ughangtu.”

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 20:35

Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

RUM 16:12

Pesanku ngan Teripina ngan Teripusa diau mbanting tulang bekerjau batan endak Tuhan. Pesanku ngan Persis diau kusayangi diau pulau mbanting tulang nian bekerjau batan endak Tuhan.

RUM 16:6

Pesanku pulau ngan Maria diau la bekerjau nian batan endak kamu.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 15:10

Anyautu karnau keilu'an Allah aku njadi luak aku mbak kini. Mangku nidau rugi Allah iluak ngan aku. Aku la bekerjau mati-matian nian jak di gegalau ughangtu. Sebenaghau ukan aku diau ngerjauka titu, tapitu Allah diau nyayangi ngan nulungi aku.

1 KURINTUS 16:16

Aku ngajung kamu nian, supayau kamu nurut nian ajaghan jemau luak itu ngan jemau lainau diau bekerjau ngan diau ngenian.

1 KURINTUS 16:18

Ughangtu meriangka atiku nian, luak itu pulau ati kamu. Jemau luak itu mesti diregaui nian.

1 KURINTUS 3:9

Kamini semegi ajau bekerjau batan endak Allah. Kamuni umpamau umau Allah, kamu pulau umpamau ghuma Allah.

2 KURINTUS 11:23

Apu ughangtu bekerjau batan endak Keristus? Aku ngiciak luak jemau gilau, iluakla aku sangkan gegalau ughangtu. Nemanla aku bekerjau, rajinla aku dijilka. Banyakla aku disaraui ngan rajin sengkiap mati.

2 KURINTUS 5:9

Mangku kami beusaha nian melemakka atiAu, empuak kami mendam di anjung kami di sini, empuak di situ.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

GALATIA 4:11

Aku ghegak, kalu aku bulia keria ajau batan endak kamu.

PILIPI 2:16

masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

PILIPI 2:19

Aku ngaghap, aku pacak ngajung Timutius berayak ngan kamu, amun titu kendak Tuhan, mangku aku diriangka ngan ceritau kamu.

KULUSI 1:29

Batan endak itula aku bekerjau mati-matian. Aku beusaha ngan gegalau tenaga diau dienjuakka Keristus ngan aku diau kuat bekerjau di aku.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TESALUNIKA 5:14

Kami ngajung kamu pulau, supayau kamu negughi jemau diau enggup bekerjau. Teguaka ati jemau diau asau-asau. Tulungla jemau diau litak. Ngalighla ngan gegalau jemau.

1 TIMUTIUS 5:1

Jangan kaba marai jemau diau la tuau, tapitu tegughi diau luak bak kaba. Tegughila jemau mudau luak denga-sanak kaba,

1 TIMUTIUS 5:20

Jemau diau maju bedusau tegughila di mukau gegalau jemau Keristen, mangku diau lain njadi takut.

2 TIMUTIUS 2:6

Petani diau bekerjau mati-matian, diautu behak dulu sekali meghasauka asil kerjaunyautu.

TITUS 1:3

Mangku masau diau ditetapkaNyau, Allah nyatauka janjiAu ngan katauNyau. Katau Allahtu la dipercayauka ngan aku, mangku aku ngiciakkanyau, karnau la diajung Allah, Penyelamat kitau.

TITUS 1:5

Aku la ninggalka kaba di Kerita, mangku kaba ngatur setu diau mesti diatur. Kaba mesti milia pengulu di bilang kuta, luak diau la kuajungka ngan kaba.

TITUS 2:15

Kiciakkala gegalaunyautu, ajaghla ngan tegughila ngan kuasau jemau diau ndengaghka kaba. Jangan enangka sughang kia nganggap kaba nidau bereti.

IBRANI 13:17

Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

IBRANI 13:7

Ingatkala pengulu kamu diau ngiciakka ceritau jak di Allah ngan kamu. Peratikala carau idupau ngan carau diau mati. Penaula carau ughangtu percayau.

PENGINA'AN 1:20

Mangku inila resiau tujua bintang diau kaba kinak di tangan kananKu ngan tujua tiang lampu emas ini: Tujua bintangtu malaikat jemau Keristen di tujua bada. Mangku tujua tiang lamputu tujua bada jemau Keristentu.”

PENGINA'AN 2:12

“Ngan malaikat jemau Keristen di Pergamus tuliskala luak ini: ‘Inila katau Aku, Aku makai pedang diau tajam ngan bematau duau.

PENGINA'AN 2:18

“Ngan malaikat jemau Keristen di Tiatira tuliskala luak ini: ‘Inila katau Aku, Anak Allah. Matauku besinagh-sinagh luak maghak api ngan ketingKu besinagh luak tembagau dalam api.

PENGINA'AN 2:3

Kaba maju ngaligh ngan sengsarau karnau Aku, mangku kaba nidau kekela tekedan.

PENGINA'AN 2:8

“Ngan malaikat jemau Keristen di Semirna tuliskala luak ini: ‘Inila katau Aku, Aku dulu sekali ngan mendian sekali. Aku la mati mangku ngulang idup.

PENGINA'AN 3:1

“Ngan malaikat jemau Keristen di Sardis tuliskala luak ini: ‘Inila katau Aku, Aku ngempu tujua rua jak di Allah ngan tujua bintangtu. Aku keruan gegalau kerjau kaba. Kaba dikiciakka idup, awuak kaba mati.

PENGINA'AN 3:14

“Ngan malaikat jemau Keristen di Laudikia tuliskala luak ini: ‘Inila katau Aku, Akunila tetap ngan nyatauka setu diau benagh ngan pacak dipercayaui, mulaunyau gegalaunyau diau dijadika Allah.

PENGINA'AN 3:7

“Ngan malaikat jemau Keristen di Piladelpia tuliskala luak ini: ‘Inila katau Aku, Aku suci ngan benagh. Aku adau kunci Daud. Amun Aku mbukak, nidau bediau sughang kiala diau pacak ngatupkanyau. Mangku amun Aku ngatupka, nidau bediau sughang kiala diau pacak mbuka'au.