1 TESALUNIKA 5:10 - PEJANJIAN EMPAI CERITAU ILUAK

¹⁰ Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

1 TESALUNIKA 5:10 ပူးပေါင်းရင်းမြစ်များ

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

YUHANIS 10:11

Akunila tukang sayia bebiri diau iluak lagi ngarap. Tukang sayia bebiri diau iluak ngenjuakka nyawaunyau batan endak bebiriau.

YUHANIS 10:15

Semegi luak Bapak keruan Aku, Aku keruan Bapak. Mangku Aku ngenjuakka nyawauKu batan endak bebiriKu.

YUHANIS 10:17

Bapak nyayangi Aku, karnau Aku ngenjuakka nyawauKu, mangku Aku ka nerimaunyau agi.

YUHANIS 15:13

Jemau diau sayang nianan ngan kantinau, jemau itu nyeraka nyawaunyau batan endak kantinau.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

1 KURINTUS 15:3

Setu diau kukiciakka ngan kamutu kuterimau pulau. Diau penting sekali la kukiciakka ngan kamu, bansau Keristus mati karnau dusau-dusau kitau, luak la ditulis dalam Injil,

2 KURINTUS 5:15

Keristus la mati batan endak gegalau jemau, mangku jemau diau idup nidau agi idup batan endak diriau, tapitu batan endak Keristus diau la mati ngan la diidupka agi batan endak ughangtu.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

1 TESALUNIKA 4:13

Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

1 TESALUNIKA 4:15

Inila ajaghan Tuhan diau endak kami sampaika ngan kamu: Masau Tuhan Yesus datang, kitau diau gi idup nidau ka ndului jemau diau la dulu mati.

1 TESALUNIKA 4:17

La udim itu kitau diau gi idup masau itu ka dinayiakka ke aban serempak ngan ughangtu endak betemu ngan Tuhan di awang-awang. Mangku kitau ka maju guak Tuhan selelamaunyau.

1 TESALUNIKA 5:6

Itula sebapau kitau nidau bulia tiduak-tiduak ajau luak jemau lain. Kitau mesti sepepadau ngan maju siagau.

1 TIMUTIUS 2:6

Diau la nyeraka diriAu endak mbibaska gegalau jemau jak di dusau. Luak itu Allah mbuktika masau diau tepat, bansau Diau endak, supayau gegalau jemau diselamatka.

2 TIMUTIUS 2:11

Kici'an ini benagh nian, “Amun kitau mati ngan Diau, kitau ka idup pulau ngan Diau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.