1 TESALUNIKA 4:3 - PEJANJIAN EMPAI CERITAU ILUAK

³ Inila kendak Allah, supayau kamu idup beresia. Jangan kamu menaugawia.

1 TESALUNIKA 4:3 ပူးပေါင်းရင်းမြစ်များ

MATIUS 12:50

Karnau jemau diau ngerjauka kendak BapakKu di sergau, ughang itula ading-beghadingKu ngan makKu.”

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

MATIUS 5:32

Anyautu mbak kini Aku bekatau ngan kamu: Jemau diau nyagha'i biniau, amun ukan karnau diau menaugawia, jemautu mbuat biniau menaugawia. Mangku jemau diau nika ngan tinau diau disagha'itu menaugawia pulau.”

MATIUS 7:21

“Nidau gegalau jemau diau mantau aku, ‘Tuhan, Tuhan!’ njadi angguta umat Allah, anyautu cuman jemau diau ngerjauka kendak BapakKu diau di sergau.

MARKUS 3:35

Jemau diau ngerjauka kendak Allah, diautu adingKu ngan makKu.”

YUHANIS 4:34

Katau Yesus, “MakananKu ngerjauka kendak Allah diau ngajung Aku, mangku ngudimi kerjau diau diserakaNyau ngan Aku.

YUHANIS 7:17

Jemau diau endak nuruti kendak Allah ka keruan, apu ajaghanKuni asalau jak di Allah, apu jak di Aku.

RASUL 15:20

Kitau mesti besurat ngan ughangtu, supayau jangan makan makanan diau la disiwauka, jangan menaugawia, jangan makan daging benatang diau ditekiak ngan jangan makan dagha.

RASUL 15:29

Jangan kapu dighi makan makanan diau la disiwauka, jangan makan dagha ngan daging benatang diau mati ditekiak ngan jangan menaugawia. Amun kapu dighi njawuaka diri jak di kerjau itu, kapu dighi la bebuat iluak. Inggan ini ajau. Salam kami.”

RASUL 20:32

Mangku mbak kini aku nyeraka kapu dighi ngan Allah, supayau Diau njagaui kapu dighi ngan kapu dighi na'ati ceritau keilu'an Allah. Allahtu bekuasau nguatka kapu dighi ngan ngenjuakka setu diau iluak diau la disediauka batan endak gegalau umatAu.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 1:29

Ati ughangtu penua ngan gegalaunyau diau nidau benagh, diau ja'at, selak, busuak, sengit, endak mbunua, belagau, nipu, ndendam,

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

RUM 6:22

Anyautu mbak kini kamu la dilepaska jak di dusau mangku njadi budak Allah. Untungau kamu la idup batan endak Allah mangku bulia idup sejati selelamaunyau.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 7:2

Anyautu, supayau nidau teguda, iluakla bilang lanang adau biniau ngan bilang tinau adau lakiau.

2 KURINTUS 12:21

Aku ghegak, amun aku datang nanti, Allah ka mbuat aku maluan karnau kamu. Mangku aku ka nangis, karnau banyak jak di kamu diau bedusau senitu lum ngubai jak di kerjaunyau diau kumua, menaugawia ngan nidau senangaiantu.

GALATIA 5:19

Serilau manusiau nyatau di kerjau menaugawia, kumua ngan diau nidau pantas,

IPISUS 5:17

Jangan kamu bigal, anyautu beusahala ngeruani kendak Tuhan.

IPISUS 6:6

Jangan ajau, amun dikinak, endak dipuji manusiau, tapitu luak budak Keristus diau na'ati kendak Allah ngan riang.

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

KULUSI 3:5

Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 TESALUNIKA 4:2

Nyela, kamu keruan ajaghan diau kami ajaghka ngan kamu ngan kuasau Tuhan Yesus.

1 TESALUNIKA 4:4

Bilang lanang jak di kamu mesti keruan, luak manau bulia bunting ngan carau diau beresia, mangku idup ngan buntingautu ngan carau diau melemakka ati Allah ngan manusiau.

1 TESALUNIKA 5:18

Luak manau kia setu diau tejadi di kamu, kamu mesti beterimau-kasia ngan Allah, karnau itula diau Allah kenda'i ngan kamu, jemau diau percayau ngan Yesus Keristus.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 10:36

Kamu mesti tekun, supayau kamu pacak ngerjauka kendak Allah, mangku kamu nerimau setu diau dijanjikaNyau.

IBRANI 12:16

Jangan adau diau menaugawia. Jangan adau diau nidau meregaui Allah luak Isau. Diautu anak tuau. Mangku diau njual ha'autu karnau cuman makanan sepiring ajau.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

IBRANI 13:4

Gegalau kamu mesti meregaui pekawinan. Laki bini mesti sangi sayangi. Jemau nakal ngan jemau diau menaugawia ka diukum Allah.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.

1 PITRUS 4:2

Mangku mulai mbak kini selamau gi adau di deniau idupla nurut kendak Allah, jangan agi nurut serilau manusiau.

1 YUHANIS 2:17

Deniau ngan gegalau setu diau adau di dalamau diau diibauka manusiau ka lengit. Anyautu jemau diau ngerjauka kendak Allah maju idup selelamaunyau.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.