1 TESALUNIKA 4:17 - PEJANJIAN EMPAI CERITAU ILUAK

¹⁷ La udim itu kitau diau gi idup masau itu ka dinayiakka ke aban serempak ngan ughangtu endak betemu ngan Tuhan di awang-awang. Mangku kitau ka maju guak Tuhan selelamaunyau.

1 TESALUNIKA 4:17 ပူးပေါင်းရင်းမြစ်များ

MATIUS 26:64

Yesus nimbal, “Dighitu la ngiciakkanyau. Anyautu percayaula, mulai mbak kini kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban di langit.”

MARKUS 14:62

Yesus nimbal, “Akula Diau. Kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban jak di langit.”

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

YUHANIS 14:3

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RASUL 1:9

La udim ngiciak luak itu Yesus tuangkat ke sergau dikina'i ughangtu, mangku adau aban ngalangi ughangtu ngina'i Diau.

RASUL 8:39

Ughang duautu la keluagh jak di ayiak, Pilipus diambiak Rua Allah. Mangku pegawai jak di Itiupiatu nidau nginak diau agi. Diautu melajuka pejalanannyau ngan riang.

1 KURINTUS 15:52

masau negal ajau, masau terumpit diau mendian ka dimunika. Karnau masau ndengagh muni terumpittu, jemau mati ka ngulang idup selelamaunyau, mangku kitau ka diuba galau.

2 KURINTUS 5:8

Karnau itu ati kami tegua. Kami endak nian bibas jak di badan kamini, mangku pacak mendam ngan Tuhan.

PILIPI 1:23

Aku didesak setu duau mecam: Aku endak nian ninggalka deniauni pegi seghundak ngan Keristus, karnau titu diau iluak sekali batan endak aku.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

1 TESALUNIKA 4:15

Inila ajaghan Tuhan diau endak kami sampaika ngan kamu: Masau Tuhan Yesus datang, kitau diau gi idup nidau ka ndului jemau diau la dulu mati.

1 TESALUNIKA 4:18

Karnau itu sangi teguakala ati kamu ngan kici'an ini.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

2 PITRUS 3:13

Anyautu kitauni nantika setu diau la dijanjika Allah, langit diau empai ngan deniau diau empai. Di situ kendak Allah ka dituruti galau.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!

PENGINA'AN 11:12

Mangku ughang duautu ndengagh suarau nyaghing jak di sergau mantaunyau, kataunyau, “Nayiakla ke sini!” Mangku nayiak ughang duautu ke sergau ditudungi aban. Musua ughangtu ngina'au galau.

PENGINA'AN 12:5

Mangku adau Anak lanang diau ka merinta gegalau bangsau ngan tungkat besi. Mangku Anaktu diambiak dibatak belaghi guak Allah ngan guak kerusi rajautu.