1 TESALUNIKA 4:13 - PEJANJIAN EMPAI CERITAU ILUAK

¹³ Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

1 TESALUNIKA 4:13 ပူးပေါင်းရင်းမြစ်များ

MATIUS 27:52

Kuburan-kuburan tebukak pulau ngan banyak umat Allah ngulang idup.

YUHANIS 11:24

Katau Marta, “Aku keruan, diau ka ngulang idup masau aghi kiamat.”

RASUL 13:36

Daud ngerjauka kendak Allah mangku mati ngan dikuburka guak niniak puyangau. Nyela, mayatau busuak.

RASUL 7:60

Mangku diau nunduak ngan tegauk, “Tuhan, dusau ini jangan ditanggungka ngan ughangni.” Udim ngiciakka luak itu diau mati.

RASUL 8:2

Jemau diau takut ngan Allah nguburka Setipanus ngan nangis berandaian nangisi diau.

RUM 1:13

Kantin-kantinku, aku endak, supayau kamu keruan, bansau la rajin aku endak nian berayak ngan kamu, anyautu maju adau alangan. Aku endak, supayau di guak kamutu pulau kerjauku buasil, luak kerjauku buasil di guak jemau bangsau lain.

1 KURINTUS 10:1

Kantin-kantinku, kamu la keruan setu diau la tejadi ngan niniak puyang kitau, timpau ughangtu ngikut Musa. Ughangtu dibayangi aban galau, mangku nyembeghangi Laut Abang ngan selamat.

1 KURINTUS 12:1

Kantin-kantinku, mbak kini ceritau pengenjuak Rua. Ceritau itu kendakku, supayau kamu keruani diau benagh.

1 KURINTUS 15:6

La udimautu Diau ngancakka diriAu ngan limau ratus anak-buaHau serempak. Banyak jak di ughangtu gi idup mbak kini. Adau pulau jak di ughangtu diau la mati.

2 KURINTUS 1:8

Kami endak, supayau kamu ngeruani gegalau sengsarau diau kami ghasauka di perupinsi Asia Keciak. Kami meghasau tanggungan diau kami ghasaukatu beghat igau, mangku kami nidau bediau aghapan agi ka idup.

IPISUS 2:12

Masau itu kamu lum seghundak ngan Keristus, kamu jemau asing diau nidau temasuak umat Allah. Kamu nidau temasuak jemau diau bulia bagian diau dijanjika Allah ngan umatAu. Kamu idup di deniauni nidau bediau aghapan ngan nidau keruan Allah.

IPISUS 2:3

Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.

1 TESALUNIKA 4:14

Kitau percayau, bansau Yesus la mati, la idup agi, mangku kitau percayau pulau, bansau jemau percayau diau la mati ka diidupka ngan ditunggalka Allah di guak Yesus.

1 TESALUNIKA 4:15

Inila ajaghan Tuhan diau endak kami sampaika ngan kamu: Masau Tuhan Yesus datang, kitau diau gi idup nidau ka ndului jemau diau la dulu mati.

1 TESALUNIKA 5:10

Diautu mati batan endak kitau, supayau masau Diau datang nanti, enta kitau gi idup enta la mati, kitau pacak idup guak Diau.

1 TESALUNIKA 5:6

Itula sebapau kitau nidau bulia tiduak-tiduak ajau luak jemau lain. Kitau mesti sepepadau ngan maju siagau.

2 PITRUS 3:4

Katau ughangtu, “Kataunyau Tuhan bejanji ka datang! Mbak kini di manau Diau? Jak niniak puyang kitau mati gegalaunyau gi semegi luak masau deniau dijadika.”

2 PITRUS 3:8

Anyautu kantin-kantinku, jangan kamu lupau ini: Amun Tuhan, saghi semegi ngan seribu taun, seribu taun semegi ngan saghi.