1 TESALUNIKA 3:3 - PEJANJIAN EMPAI CERITAU ILUAK

³ supayau nidau sughang kia jak di kamu ngelipat karnau sengsarau kitau ini. Kamu la keruan, bansau sengsarautu adau dalam rencanau Allah batan endak kitau.

1 TESALUNIKA 3:3 ပူးပေါင်းရင်းမြစ်များ

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

YUHANIS 16:2

Kamu ka dikeluaghka jak di ghuma sembayang, mangku ka sampai masaunyau, jemau diau mbunua kamu, nyangkau diau melemakka ati Allah.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RASUL 2:25

Karnau Daud ngiciakka Diau, ‘Aku maju nginak ke Tuhan. Diau guak Aku, mangku Aku nidau mundur.

RASUL 21:11

Diau datang njenguak kami, ngambiak bebat Paulus, mangku ngebat keting ngan tanganau sendighi ngan bekatau, “Luak inila diau dikiciakka Rua Allah, ‘Jemau diau ngempu bebat ini ka dikebat jemau Yahudi luak ini di Yerusalim, mangku diseraka ngan jemau bangsau lain.’ ”

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

RUM 5:3

Lebia agi kitau riang karnau sengsarau, karnau kitau keruan sengsarautu mbuat kitau tekun.

1 KURINTUS 15:58

Karnau itu, kantin-kantinku diau kusayangi, kuatkala ngan teguakala iman kamu. Bekerjaula maju batan endak Tuhan ngan ngenianau, karnau kamu keruan, bansau kerjau kamu batan endak Tuhan nidau ka keria ajau.

1 KURINTUS 4:9

Nurut pendapatku, ngan kami diau la njadi rasul Allah ngenjuakka bada diau inau sekali, luak jemau diau la diukum mati, mangku kami la njadi tuntunan deniau, malaikat ngan manusiau.

IPISUS 3:13

Karnau itu aku mintak nian, supayau kamu jangan ghegak karnau sengsarauku batan endak kamu. Gegalaunyautu batan endak keilu'an kamu.

PILIPI 1:28

Kamu mesti maju beghani, jangan takut ngan lawan kamu. Ngan carau luak itu kamu ka njadi tandau ngan ughangtu, bansau ughangtu ka kala. Kamutu ka menang, karnau Allah ngenjuakka kemenangan ngan kamu.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

2 TESALUNIKA 1:4

Itula sebapau kami muji kamu di guak jemau Keristen. Riang nian kami nceritauka kamu, karnau kamu maju percayau ngan tekun ngan Keristus, empuak kamu diluatka ngan dianiayau.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

1 PITRUS 2:21

Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.