1 TESALUNIKA 3:2 - PEJANJIAN EMPAI CERITAU ILUAK

² mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

1 TESALUNIKA 3:2 ပူးပေါင်းရင်းမြစ်များ

RASUL 16:1

Paulus la pegi sampai di Derbi ngan Listera. Di situ adau sughang percayau, namaunyau Timutius. Endu'au jemau Yahudi diau la percayau pulau. Ba'au jemau Yunani.

RASUL 16:5

Mangku jemau percayau di situ diteguaka atiau, supayau maju percayau. Idang aghi tamba banyak jemau diau percayau.

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

RUM 16:21

Timutius, kantin sekerjauku, bepesan ngan kamu. Luak itu pulau Lukius, Yasun ngan Susipatir, jemau sebangsau ngan aku.

1 KURINTUS 3:10

Ngan pengertian diau dienjuakka Allah, aku luak tukang negakka ghuma la mbuat pelapiak batan endak ghuma itu, mangku jemau negakka ghuma di pucuak pelapiaktu. Bilang jemau mesti ngeruani, luak manau negak di pucu'autu.

1 KURINTUS 4:17

Itula sebapau aku ngajung Timutius guak kamu. Diautu anakku dalam Keristus diau kusayangi ngan pacak dipercayaui. Diau ka ngingatka kamu carau idupku ngikut Yesus Keristus, carau diau kuajaghka ngan jemau Keristen di manau kila.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

2 KURINTUS 1:19

Karnau Yesus Keristus, Anak Allah, diau dikiciakka aku, Silas ngan Timutius ngan kamu ukan “au” ngan “nidau”. Di Diau cuman adau “au”.

2 KURINTUS 2:12

Masau aku la sampai di Teruas endak ngiciakka ceritau iluak jak di Keristus, Tuhan la mbukak jalan ngan aku endak bekerjau di bada itu.

2 KURINTUS 2:13

Anyautu aku nidau tenang, karnau nidau betemu ngan kantin kitau Titus. Mangku aku pamit endak pegi ke Makedunia.

2 KURINTUS 8:23

Titustu kantinku diau bekerjau ngan aku batan endak nulung kamu. Kantin diau lain diau pegi serempak ngan diautu diajung jemau Keristen bekerjau endak meregaui Keristus.

PILIPI 1:25

Aku percayau ngan titu, mangku aku keruan aku ka idup ngan seghundak agi ngan gegalau kamu, nulung kamu mangku tamba riang tamba tegua percayau ngan Keristus.

KULUSI 1:1

Jak di aku, Paulus, diau dijadika rasul Yesus Keristus karnau kendak Allah ngan pulau jak di kantin kitau Timutius.

KULUSI 1:7

Gegalaunyautu la dikiciakka Ipapras ngan kamu. Diautu kantin sekerjau kami diau kami sayangi. Diau rajin bekerjau batan endak Keristus endak nulung kamu.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

KULUSI 4:9

Unisimus ka pegi serempak ngan diau. Diautu sughang jak di kamu diau pacak dipercayaui, kami nyayangi diau. Ughang duautu ka ngiciakka ngan kamu gegalaunyau diau la tejadi di guak kami.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.