1 TESALUNIKA 3:12 - PEJANJIAN EMPAI CERITAU ILUAK

¹² Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

1 TESALUNIKA 3:12 ပူးပေါင်းရင်းမြစ်များ

MATIUS 22:39

Mangku perinta diau keduau, diau semegi ngan diau tadi: Sayangila jemau lain luak kaba nyayangi diri kaba.

MATIUS 7:12

Bebuatla ngan jemau luak kamu endak ughangtu mbuati kamu. Itula isi gegalau ukum Taurat ngan kitab nabi-nabi.”

LUKAS 17:5

Mangku rasul-rasul mintak ngan Tuhan, “Teguakala iman kami.”

RUM 13:8

Jangan beutang tuapau-apau ngan sapau kila. Cuman semecam ini diau mesti kamu kerjauka: sangi sayangi. Karnau jemau diau nyayangi kantinau la na'ati gegalau ukum Taurat.

2 KURINTUS 9:10

Allah nyediauka benia ngan tukang tanam ngan makanan batan endak kitau. Diau pulau ka nyediauka banyak benia batan endak kamu nanam, ka dibuat banyak asilau, mangku keilu'an ati kamu ka tamba banyak pulau.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

1 TESALUNIKA 2:8

Karnau kami sayang, mangku kami galak ngenjuakka ngan kamu ukan ajau ceritau iluak jak di Allah, tapitu idup kami pulau, karnau kami nyayangi kamu nian.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TESALUNIKA 5:15

Jangan enangka jemau mbalas keja'atan ngan ja'at. Anyautu beusahala maju bebuat iluak sughang ngan diau lain ngan gegalau jemau.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

YAKUBUS 1:17

Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

2 PITRUS 1:7

Ta'at ngan Allah ditamba ngan sayang ngan kantin diau suagamau. Sayang ngan kantin kamu ditamba ngan sayang ngan gegalau jemau.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.