1 TESALUNIKA 3:10 - PEJANJIAN EMPAI CERITAU ILUAK

¹⁰ Siang-malam kami bedu'a nian, supayau kami pacak betemu ngan kamu endak namba diau gi kurang percayau.

1 TESALUNIKA 3:10 ပူးပေါင်းရင်းမြစ်များ

LUKAS 2:37

mbak kini diau la merandau. Umurau la delapan pulua empat taun. Diautu maju di Ghuma Allah. Diau puasau ngan bedu'a siang malam.

RASUL 26:7

Janji itu pulau diaghapka duau belas jungku bangsau kitau, mangku ughangtu sembayang ngan Allah siang-malam. Karnau janji itula diau kuaghapka, aku diaduka jemau Yahudi.

2 KURINTUS 1:15

Karnau aku yakin nian ngan titu, mangku aku la merencanauka endak berayak ngan kamu, supayau kamu nerimau sayang Allah lebia banyak agi.

2 KURINTUS 1:24

Kami nidau endak masau kamu ngan setu diau mesti kamu percayaui, karnau kamu la percayau nian ngan Keristus. Kami cuman endak sesamau bekerjau ngan kamu batan endak meriangka kamu.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

2 KURINTUS 13:9

Kami riang, amun kami litak ngan kamu kuat. Kami bedu'a pulau, supayau kamu njadi iluak agi.

PILIPI 1:25

Aku percayau ngan titu, mangku aku keruan aku ka idup ngan seghundak agi ngan gegalau kamu, nulung kamu mangku tamba riang tamba tegua percayau ngan Keristus.

KULUSI 1:28

Diau itula kami kiciakka ngan bilang jemau, amun kami ngingatka ngan ngajagh ughangtu ngan pengertian, mangku bilang jemau njadi sempernau karnau seghundak ngan Keristus.

KULUSI 4:12

Pesan pulau jak di Ipapras. Diau pulau sughang jak di kamu. Diau bekerjau batan endak Yesus Keristus ngan maju ndu'aka kamu nian, supayau kamu percayau nian ngan bepengertian, mangku kamu ta'at nian ngan kendak Allah.

1 TESALUNIKA 3:11

Kami bedu'a, supayau Allah Bapak kitau ngan Tuhan kitau Yesus ngenjuakka jalan ngan kami mangku betemu ngan kamu.

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

2 TIMUTIUS 1:3

Aku beterimau-kasia ngan Allah. Batan endak Diau aku bekerjau ngan ati diau beresia luak dikerjauka niniak puyangku senitu. Aku maju teghingat kaba dalam du'a ngan beterimau-kasia ngan Allah empuak siang empuak malam.

PILEMUN 1:22

Penarau itu, sediaukala bada batan endak aku di ghuma kaba, karnau aghapan aku ka ngulang ngan kaba karnau du'a kamu.

PENGINA'AN 4:8

Empat benatangtu padau sikuak adau enam butiak sayap. Sayapautu penua ngan matau galau, di sebela dalamau pulau. Siang malam benatangtu nidau mandak-mandak benyanyi, kataunyau, “Suci, suci, sucila Tuhan, Allah diau Mahakuasau; Diau la adau jak di senitu enggut mbak kini ngan maju ka adau.”

PENGINA'AN 7:15

Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.