1 TESALUNIKA 2:4 - PEJANJIAN EMPAI CERITAU ILUAK

⁴ Kami ngiciak ukan endak melemakka ati manusiau, tapitu endak melemakka ati Allah, karnau Allah nganggap kami pantas ngiciakka ceritau iluak itu. Diautu nguji ati kami.

1 TESALUNIKA 2:4 ပူးပေါင်းရင်းမြစ်များ

LUKAS 12:42

Katau Tuhan, “Jadila luak budak diau iluak ngan pacak dipercayaui, mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau.

LUKAS 16:11

Mangku amun ngan kekayauan deniauni kamu nidau pacak dipercayaui, sapau ka endak nyeraka ngan kamu kekayauan diau di sergau?

YUHANIS 21:17

Diau ketigau kaliau Yesus betanyau ngan diau, “Simun, anak Yuhanis,” katau Yesus, “Apu kaba nyayangi Aku?” Pitrus bingung, karnau Yesus betanyau ngan diau enggut tigau kali, “Apu kaba nyayangi Aku?” Mangku Pitrus nimbal, “Tuhan, Dighi keruan gegalaunyau, Dighi keruan aku nyayangi Dighi.” Katau Yesus, “Sayiala bebiriKu!

RUM 8:27

Mangku Allah diau ngeruani ati manusiau ngerti kendak Rua, karnau Ruatu mintak nurut kendak Allah batan endak umatAu.

1 KURINTUS 7:25

Mbak kini ceritau jemau diau lum nika. Ceritau ughangtu nidau bediau perinta Tuhan. Anyautu karnau pengertian jak di Tuhan ngan aku, aku endak ngiciakka pendapatku diau pacak dipercayaui.

1 KURINTUS 9:17

Misalau aku ngerjaukanyau ngan kendakku sendighi, nyela aku behak nerimau upa. Anyautu aku ngerjauka titu karnau kewajibanku. Aku diajung Allah batan endak ngerjaukanyau.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 5:11

Kami keruan retiau takut ngan Tuhan. Karnau itu kami beusaha meyakinka jemau. Allah keruan ati kami, mangku aku ngaghap kamu pulau keruan kami dalam ati kamu.

2 KURINTUS 5:16

Karnau itu kami nidau agi ngeruani jemau nurut rupu'an manusiau. Nyela, senitu kami ngeruani Keristus nurut rupu'an manusiau, tapitu mbak kini nidau agi.

GALATIA 1:10

Luak manau akuni? Apu aku ngaghapka diregaui manusiau? Ukan, dikit kiala nidau. Aku cuman ngaghapka diregaui Allah. Apu aku beusaha melemakka ati manusiau, mangku dipuji jemau? Amun aku masia ngerjauka kerjau luak itu, aku ukan budak Keristus.

GALATIA 2:7

Mangku jemau diau dianggap beregautu ngaku'i, bansau Allah la nugaska aku ngiciakka ceritau iluak ngan jemau nidau besunat, semegi luak Diau la nugaska Pitrus ngiciakka ceritau iluaktu ngan jemau besunat.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

IPISUS 6:6

Jangan ajau, amun dikinak, endak dipuji manusiau, tapitu luak budak Keristus diau na'ati kendak Allah ngan riang.

KULUSI 3:22

Babu-babu ta'atila gegalaunyau ngan tuan kamu diau di deniauni. Jangan cuman ta'at, amun dikina'i karnau endak dipuji. Ta'atila diau nian, karnau takut ngan Tuhan.

1 TIMUTIUS 6:20

Ui, Timutius, jagauila setu diau la dipercayauka ngan kaba. Jawuhila kici'an diau nidau beresia ngan nidau begati ngan kici'an bebala mbalaka setu diau dikiciakka “kepintaran”.

2 TIMUTIUS 1:14

Ngan kuasau Rua Allah diau adau di kitau kaba mesti njagaui iluak-iluak setu diau iluak diau la dipercayauka ngan kaba.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

TITUS 1:3

Mangku masau diau ditetapkaNyau, Allah nyatauka janjiAu ngan katauNyau. Katau Allahtu la dipercayauka ngan aku, mangku aku ngiciakkanyau, karnau la diajung Allah, Penyelamat kitau.

IBRANI 4:13

Nidau bediau diau pacak nyemuni di adapan Allah. Gegalaunyau kina'an ngan matauNyau. Ngan Diautu kitau mesti nanggung-jawabka gegalau kerjau kitau.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

PENGINA'AN 2:23

Anak-buahau ka Kubunua, mangku gegalau jemau Keristen ka keruan, bansau Akunila diau ngeruani ati ngan rupu'an jemau. Bilang kamu ka Kubalas nurut kerjau kamu sesughangan.