1 TESALUNIKA 2:16 - PEJANJIAN EMPAI CERITAU ILUAK

¹⁶ Lagi ughangtu endak ngalang-ngalangi kami ngiciakka ngan jemau ukan Yahudi ceritau diau pacak nyelamatka ughangtu. Ngan carau luak itu jemau Yahuditu maju namba dusaunyau enggut genap mecamau. Mangku mbak kini ughangtu ditimpau mara Allah.

1 TESALUNIKA 2:16 ပူးပေါင်းရင်းမြစ်များ

MATIUS 12:45

Mangku diau pegi ngajak tujua kantinau diau lebia ja'at agi. Rua itu masuak mendam di ghumatu, mangku kesudimannyau jemautu lebia pansan jak di senitu. Luak itu pulau setu diau ka tejadi ngan jemau mbak kini.”

MATIUS 23:32

Amun luak itu, majukala ngan ngudimila dusau niniak puyang kapu dighi.

MATIUS 24:14

Mangku ceritau iluak ceritau Allah endak merinta ka dikiciakka di gegalau deniau, mangku gegalau jemau ka ndengaghau. Udim itu kiamat.”

MATIUS 24:6

Kamu ka ndengagh muni perang ngan ceritau perang. Sepepadaula, nidau nanti takut. Gegalaunyautu mesti tejadi kudai. Anyautu deniau lum ka kiamat.

MATIUS 3:12

Di tanganAu la adau nighu endak nampi ighi'anNyau, padiAu endak ditunggalka dalam tengkiang. Gegalau ampaunyau ka disilap ngan api diau nidau ka padam.”

MARKUS 16:16

Jemau diau percayau ngan dibaptis ka selamat. Anyautu jemau diau nidau percayau ka diukum.

RASUL 13:45

Anyautu, satu nginak jemau banyak itu, jemau Yahudi sengit nianan, mangku nggelakka Paulus ngan melawan kici'an Paulustu.

RASUL 13:50

Anyautu pengulu-pengulu kuta itu ngan tinau-tinau diau diregaui ngan takut ngan Allah diasung jemau Yahudi, supayau ughangtu nganiayau Paulus ngan Barnabas, mangku ughang duautu dilaratka jak di daira itu.

RASUL 14:19

Adau jemau Yahudi datang jak di Antiukia ngan Ikunium. Ughangtu muji jemau Listera, mangku jemau banyak mihak ngan ughangtu. Ughangtu nyipati Paulus ngan batu, mangku naghiak diau keluagh kuta, karnau disangkau ughang diau la mati.

RASUL 14:2

Anyautu jemau Yahudi diau enggup percayau ngasung jemau bangsau lain, mangku ughangtu mara lagi luat ngan jemau percayautu.

RASUL 14:5

Mangku jemau Yahudi ngan jemau bangsau lain diau nidau keruan Allah ngan penguluau sepakat endak mbunua rasultu ngan nyipati ughang duautu ngan batu.

RASUL 17:13

Anyautu jemau Yahudi di Tesalunika ndengagh, bansau di Beria pulau Paulus la ngiciakka katau Allah. Ughangtu datang pulau ke situ ngasung jemau banyak mbuat rumbungan pengacau.

RASUL 19:9

Anyautu adau bebeghapau jemau diau enggup ndengagh kici'annyautu ngan enggup percayau, lagi di mukau jemau banyak ughangtu nggelakka kici'annyau ceritau jalan Tuhan. Itula sebapau Paulus ninggalka ughangtu, mangku pegi ke sekul Tiranus serempak ngan jemau diau percayau ngan Yesus. Idang aghi diau peragau ngan jemau di situ.

RASUL 21:21

Ughangtu la ndengagh ceritau kaba, bansau kaba ngajagh gegalau jemau Yahudi diau di guak bangsau lain, supayau jangan na'ati ukum Musatu, karnau kaba ngiciakka, supayau ughangtu nidau nyunatka ana'au ngan nidau nuruti adat lembagau kitau.

RASUL 23:12

Akap pagiautu jemau Yahudi sepakat. Ughangtu besumpa nidau ka makan ngan minum, amun lum mbunua Paulus.

RASUL 24:9

Jemau Yahudi diau adau di situ pulau ngikut ngaduka Paulus ngan mbenaghka gegalaunyau diau dikiciakka Tertulus tadi.

RASUL 25:2

Di situ imam-imam bepangkat tinggi ngan pengulu-pengulu jemau Yahudi datang ngadap diau mburuakka Paulus. Ughangtu mintak tulung nian,

RASUL 25:7

Paulus la sampai, jemau Yahudi diau la datang jak di Yerusalim betegak ngelilingi diau ngan mulai ngiciakka banyak buru'an diau ja'at. Anyautu ughangtu nidau pacak mbuktika buru'annyautu.

RASUL 4:12

Nidau bediau jemau lain diau pacak nyelamatka lain jak di Diautu, karnau di deniau di guak manusiau nidau bediau sughang kia diau dapat kuasau jak di Allah diau nyelamatka lain jak di Yesus Keristus.”

RASUL 9:23

Lum lamau udim itu, jemau Yahudi sepakat endak mbunua Saulus.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

GALATIA 5:11

Mangku aku, ngapau aku maju diluatka, amun aku masia ngajung jemau besunat? Amun ngenian aku ngiciak luak itu, kici'anku ceritau kayu salip Keristus nidau njadi pekarau agi.

IPISUS 3:13

Karnau itu aku mintak nian, supayau kamu jangan ghegak karnau sengsarauku batan endak kamu. Gegalaunyautu batan endak keilu'an kamu.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

2 TESALUNIKA 2:10

Diau ka makai gegalau mecam tipuan diau ja'at ngan jemau diau ka benasau. Ughangtu ka benasau nian, karnau ughangtu enggup nerimau, nidau meregaui ceritau benagh jak di Allah diau pacak nyelamatka ughangtu.

1 TIMUTIUS 2:4

Diau endak, supayau gegalau jemau ngeruani diau benagh ngan diselamatka.

IBRANI 6:8

Anyautu amun tanatu ngasilka gheghumputan bedughi diau nidau begati, mangku ka didawaika ngan disilap ngan api.

PENGINA'AN 22:11

Jemau diau ngerjauka diau ja'at, nengkela diau maju ngerjauka diau ja'attu. Jemau diau kumua nengkela diau maju ngumuaka diriau. Jemau diau benagh nengkela diau maju ngerjauka diau benagh. Mangku jemau diau idup batan endak Allah nengkela diau maju idup batan endak Allah.”