1 TESALUNIKA 2:15 - PEJANJIAN EMPAI CERITAU ILUAK

¹⁵ Jemau Yahudi la mbunua Tuhan Yesus ngan nabi-nabi, lagi nganiayau kami. Ughangtu maju melawan Allah ngan njadi musua gegalau jemau.

1 TESALUNIKA 2:15 ပူးပေါင်းရင်းမြစ်များ

MATIUS 23:37

“Ai jemau Yerusalim, nabi-nabi kamu bunua, ajungan Allah kamu sipati ngan batu enggut mati. La rajin Aku endak nunggalka anak-anak kamu, luak bai ayam nunggalka ana'au meghekupi di bawa sayapau, anyautu kamu enggup.

MATIUS 27:25

Gegalau jemau banyaktu nimbal, “Au, nengkela kami ngan anak-cucung kami nanggungka ukuman kematianNyau.”

MATIUS 5:12

Nabi-nabi timpau senitu la dibuati luak itu. Riangla nian kamu, karnau upa kamu besak di sergau.”

LUKAS 24:20

Imam-imam bepangkat tinggi ngan tuau-tuau bangsau kitau nyeraka Diau endak diukum mati, mangku Diau la mati dipakuka di kayu salip.

RASUL 12:3

Satu diau nginak, bansau kerjaunyautu meriangka ati jemau Yahudi, diau tamba ja'at ngan ngajung nangkap Pitrus pulau. Masau itu aghi rerayau Ruti Nidau Beghagi.

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

RASUL 4:10

Kapu dighi ngan bangsau kitau pulau mesti keruan galau, bansau jemau ini ghadu karnau kuasau Yesus Keristus, jemau Nasarit itu. Yesus itu diau la kapu dighi pakuka di kayu salip la diidupka Allah jak di mati.

RASUL 5:30

Yesus itu diau kamu bunua ngan pakuka di kayu salip la diidupka Allah diau niniak puyang kitau semba.

RASUL 7:52

Gegalau nabi diluatka niniak puyang kapu dighi. Lagi ughangtu mbunua jemau diau senitu la ngiciakka, mbak bansau Jemau Benaghtu ka datang. Diautu kapu dighi celakauka ngan bunua empaini.

1 KURINTUS 10:5

Empuak luak itu, Allah nidau riang ngan banyak nian jak di ughangtu, mangku mayat ughangtu beunjughan di padang bungin.

2 KURINTUS 11:26

Amun aku bejalan, aku rajin ngadapi bayau, bayau ayiak merampus, bayau perampuk, bayau jak di jemau Yahudi, bayau jak di jemau ukan Yahudi, bayau di kuta, bayau di padang, bayau di laut ngan bayau jak di jemau diau ngiciakka diriau jemau Keristen awuak ukan.