1 TESALUNIKA 2:14 - PEJANJIAN EMPAI CERITAU ILUAK

¹⁴ Kantin-kantinku, setu diau kamu ghasauka la dighasauka jemau Keristen di Yudia diau la njadi hak Yesus Keristus. Kamu dianiayau bangsau kamutula. Titu semegi ngan diau dighasauka jemau Keristen di Yudiatu jak di jemau Yahudi.

1 TESALUNIKA 2:14 ပူးပေါင်းရင်းမြစ်များ

RASUL 11:19

La udim Setipanus mati dibunua, jemau diau percayau ngan Yesus mulai meghasauka sengsarau, mangku ughangtu teceghai-beghai ke manau-manau. Adau diau belaghi sampai ke Penisia, adau diau sampai ke Siprus ngan Antiukia. Ughangtu ngiciakka ceritau iluak jak di Allah cuman ngan jemau Yahudi ajau.

RASUL 13:50

Anyautu pengulu-pengulu kuta itu ngan tinau-tinau diau diregaui ngan takut ngan Allah diasung jemau Yahudi, supayau ughangtu nganiayau Paulus ngan Barnabas, mangku ughang duautu dilaratka jak di daira itu.

RASUL 14:19

Adau jemau Yahudi datang jak di Antiukia ngan Ikunium. Ughangtu muji jemau Listera, mangku jemau banyak mihak ngan ughangtu. Ughangtu nyipati Paulus ngan batu, mangku naghiak diau keluagh kuta, karnau disangkau ughang diau la mati.

RASUL 14:2

Anyautu jemau Yahudi diau enggup percayau ngasung jemau bangsau lain, mangku ughangtu mara lagi luat ngan jemau percayautu.

RASUL 14:4

Mangku jemau kuta itu nidau semegi pendapat. Adau diau mihak ngan jemau Yahudi, adau diau mihak ngan rasul tadi.

RASUL 14:5

Mangku jemau Yahudi ngan jemau bangsau lain diau nidau keruan Allah ngan penguluau sepakat endak mbunua rasultu ngan nyipati ughang duautu ngan batu.

RASUL 17:13

Anyautu jemau Yahudi di Tesalunika ndengagh, bansau di Beria pulau Paulus la ngiciakka katau Allah. Ughangtu datang pulau ke situ ngasung jemau banyak mbuat rumbungan pengacau.

RASUL 18:12

Mangku Galiu njadi gubernur di Akaya. Masau itu jemau Yahudi sepakat melawan Paulus, mangku dibata'inyau ngadap pengadilan.

RASUL 8:1

Saulus pulau tetuju Setipanus dibunua. Mulai aghi itu jemau percayau di Yerusalim banyak dianiayau, mangku gegalau ughangtu lain jak di rasul teceghai-beghai ke gegalau Yudia ngan Samaria.

RASUL 8:3

Mangku Saulus maju beusaha endak ngacauka jemau percayau. Diau masu'i bilang ghuma, tinau lanang diau percayau ditaghi'au keluagh endak dijilka.

RASUL 9:1

Masau itu Saulus maju ngancam endak mbunua anak-bua Tuhan Yesus. Diau pegi ngadap Imam Besak,

RASUL 9:13

Ananias nimbal, “Tuhan, aku la ndengagh banyak jemau ngiciakka jemau itu. Banyak kematila perembak diau ja'at dikerjaukanyau ngan jemau diau percayau di Yerusalim.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

1 KURINTUS 10:32

Jangan nyinggung peghasauan jemau, empuak jemau Yahudi empuak jemau Yunani empuak jemau percayau.

1 KURINTUS 7:17

Bilang jemau mesti maju idup luak la ditetapka Tuhan ngan diau, luak masau diau empai percayau ngan Allah. Inila peraturan diau kukiciakka ngan gegalau jemau Keristen.

GALATIA 1:22

Masau itu jemau Keristen di Yudia lum kecinauan nian aku.

1 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus. Aku bedu'a, supayau Tuhan iluak ngan kamu ngan ngenjuakka damai.

1 TESALUNIKA 1:6

Kamu la menau idup kami ngan idup Tuhan. Empuak kamu sengsarau nian, kamu nerimau ceritau iluak diau kami kiciakkatu ngan riang. Riang itu jak di Rua Allah.

1 TESALUNIKA 3:4

Masau kami gi adau guak kamu, kami la ngiciakka, bansau kitau ka sengsarau. Nyela, titu la tejadi, luak kamuni keruan.

2 TESALUNIKA 1:1

Jak di Paulus, Siluanus ngan Timutius batan endak jemau Keristen di Tesalunika diau njadi umat Allah Bapak ngan Tuhan Yesus Keristus.

2 TESALUNIKA 1:4

Itula sebapau kami muji kamu di guak jemau Keristen. Riang nian kami nceritauka kamu, karnau kamu maju percayau ngan tekun ngan Keristus, empuak kamu diluatka ngan dianiayau.